109
"Aduh, Madeeeee, magedi! Mo! Made, sangkal sing Made gedeg ken Yang? Kene Yang tan pangrasa. Yang tuwi mrabotang dogen Made, sajaan Made iju, tuyuh, gisu, ngecanin Yang............. Anak lanang bakal makatang Yang. Pantes sing Yang bugbugin Made trena buka kene, makada Yang keweh ngrasaang....... adenan Yang........ suud...........mangkin........"
"Ratu, ndaweg sampunang ugi Ratu sapunika. Jati, yan sida antuk titiang ngregepang tuture ne ndikaang Ratu i wau ambat luihipun! Nanging sotaning titiang jadma......... aduh, Ratuuuuu........ usan ja, usan ngrawesang indike puniki. Napi pikenohnya? I Ratu nyungkaning angga, titiang nyakitin sikian. Mde, Tu! Titiang kadi geguritane, kudang tahun magelang ga-leng yeh mata? Nasine mampo mrasi nasi, mampo mrasa batu. Mangkin ko wau titiang purun matur. Yan tan palungguh Ratu......... ngan ..........."
"Made, puikin buin ooo? Palungguh, keto buin ce-pok! De da ajum batak teken Yang!"
"Iwang titiang Tu, sampura Tu.......!"
Anake istri tan pasahur, I Made bengong. Wenten rupa amenit Ida tan pangandika.
"Malih pidan, Tu?"
"Apa malih pidan, De......Oo, Yang lakar ambil-ida? Bin pidan ja Ajin Yange ngandikaang Yang maman-jak ka Geria Sunia. Yang ngasen dewek luh, apa ajin anake luh di Bali, oo De? Yang sing bani langgia te ken Ajin Yange. Aduh, De, sapalaan Yang dadi jelma
