99
makan!!!
"Ada sing ia jani, ne jaja patitip uli Materam nu, sing onyanga teken I. Made! "
"Sasihe rebreb, tan purun ipun ngalangin jagate; jejep ipun ring I Kala Rau. Doning gulemę kaampeh - ang angin beneng kangin, pakatonannya i sasih kadi ngudiding ipun mlaib ngawangang. Kenging I Kala Rau rauh mirib saking kangin, tur mambuatang mangda sida antuknya neda sasihe, nene sakadi ngadampal ngauhang, mlaib tulung-tulung ring i gulem, nene olas nyungkemin ipun, mangda ilid tur mangda tan durus ipun kapangan antuk mesehnya.
Prawani, Ring rainane benjang purnama; sinah para darane masucian nene benjang pagarenyeng rauh ka Suranadi (boya ke tukad para dewata teges kruna Suranadi punika) rauhe mąsucian ring Suranadi mạngda "kalalahin' swabawane wiadin rupane antuk para dewata kengin mangda muntab, luih kadi epsari.
I Mađe iteh nutug i bulan antuk palihat........ saget piragi ipun wenten jadma narikang gending dang dang. Angeb ipun ring santer suaran jadma punika; santer, miwah' ageng goloh pepesonnya. Kamanah antuk I Made, jadma punika kaduk mekerem ring pancorane, nene tampek ring genah pengonongane ring pasanggra han. Wiakti ngulangunin suaran anake narik punika; I Made bengong ipun, raris ipun nyujur bangkune nene tegakinipun i ketuni sareng I Dayu.
Gendinge sampun memada, ngalup-alup, ri kenjekan
