I Drama Gong
Pan Bekung : "Majalan Cening apang melah-melah! Waspada Gede." (wau pacang mamargi, raris kagambel tangane Gede Yadnya olih embok nyane Larasati)
Larasati : "Nyen korahang Adi, I Dayu Datu? Embok mapag jiwane I Dayu Datu totonan. Saking nyadia Embok ngadu kawisesan, dija buin pejang bala satian Embok teken Gede. Nah,jalan Gede .... Pamit tiang sareng kalih."
PAOS V
(Cinaritanen mangkin Ni Nyoman Dangin sungkan banget, makawinang bingung ipun I Wayan Kobar tur katag saha sawitrane ngrereh balian sakti mangda mrasida ugi Nyoman Dangin seger. Ancung-ancung kengin Gede Yadnya marupa dukun, gudgud rupan nyane ngaturang jaga nambanin Ni Nyoman Dangin punika).
Wayan Kobar :"Aduh, Adi ... ngudiang Adi buka kene ... sing inget-inget, tuara kena-kena nasi uli limang dina jani. Padalem ja Beli,Adi...."
Made Denda :"Mekel... mekel... sira puniki, sira puniki."
Wayan Kobar :"Da banga paak-paak, usir ya usir ...!"
Made Denda :"Ih, jlema tua! Apa kalih mai? Katagihan masempal. Sing nawang-nawang anak matepetin?"
AnakTua :"Tiang du-kun ... tiang duukun, Jro."
Made Denda :"Apa koraang ... dukun? Balian cai, balian?"
Anak Tua :"Sampunaaaaaang ma cai-cai! Tiang sampun putussss!"
Made Denda :"Kene goban anake putus! Buuk maketuluk ngoraang iba putus."
AnakTua :"Sampunang kenten, sampunaaang! Tiang jagA nambanin tetagon I Mekel."
Made Denda :"Ek cuing ... kaling kene goban baliane nyegerang. Ibi puan, balian sakti-sakti matulak, kaling tetenan balian bengil. Megedi ... mulih
87
