Makudang-kudang Drama Bali
ngembeng kengin toya panyingakane Ni Larasati, tau ring pasangkan, raris mapajar saha bedeg)
Larasati : "Uduh, Ratu ... dados asapuniki titiang. Mekelo Embok nakonang-nakonang Adi. Lamakane buka jani. Dija alih i meme dija, ya, i bapa ... Gede! Bes las I meme I bapa ngalain Embok ajak Adi."
Pan Bekung : "Nah, Cening-Cening makadadua! Pragatang suba amonto.I adi Bapa nganggon pianak.Cening Larasati dane Ki Dukuh ngokayang Cening. Nah, jalan paileh adine itungang."
Men Bekung : "Meme ... lakar nemuang jodo adine ajak Ni Nyoman Dangin. Jalan to kencanang."
Pan Bekung : "Bapa lakar kemu ka pasraman, nakonang dina. Minaba Jro Dukuh malinggih."
Larasati : "Jalan, Bapa, iring tiang. Adi Gede, jalan masi bareng, apan dane makita apang Gede kemu ka pasraman."
Gede Yadnya : "Jalan, Embok!" (gegancangan makesami mamargi nuju dane I Jro Dukuh) ... Ne mangkin katelasang kengin kasaktian nyane I Dayu Datu, mangda prasida ugi I Wayan Kobar seger saantukan pendahe tan keneng wilang keh ipun, semaliha sapunapi ja antuk mangda Ni Nyoman Dangin sida kaanggenipun rabi.
Ketut Likes :"Tu Dayu, nawegang pisan sapunapi ja antuk mangda kaulane sida ugi seger. Durus medal, titiang rauh saha pendah Ratu Dayu!"
Dayu Datu :"Nyen ento,I Ketut?"
Ketut Likes :"Titiang, Ratu."
Dayu Datu :"Ento apa aba, dadi sarat baan Ketut ngaba."
Ketut Likes :"Puniki aturan ipun kaulane, I Wayan Kobar. Titiang kautus ngaturang puniki, sapunapi ja antuk mangda ipun seger. Semaliha...."
Dayu Datu : "Nah, kanti suba baan Yang, sing rered-rered kenehne ya lakar nganggon kurnan ya, Ni
84
