I Drama Gong
Gede Yadnya :"Bli tau, ulian dane Jro Dukuh nyarengin,kadaan Adine utuh suci tan keneng main. Mawanan Bli mapag ukudan Adine jani."(kasaup kengin batis ipun I Gede Yadnya,matimpuh nyadia nyerahang dewek)
Nyoman Dangin :"Aduh, Bli ... Bli Gede! Nyen buin glantingin tiang. Bli satmaka panayuh keneh tiange. Tur tiang nyadia mati bareng. Nadian,ja, magaleng-galeng ombak,tiang wantah sukserah nyerahang be matah."
Gede Yadnya :"Nah, Adi, Bli masi keto. Yen upamaang Bli punyan-punyanan, mula yeh kasucian Adine anggon Bli nyiramin bongkol akah ipunyan kayune ento,lamakane bisa nylinap bisa ningalin kainertanan jagat."
Nyoman Dangin : "Tiang masi keto, kedise nista upami aturang tiang, wantah Bli genah tiange matinggah."
Gede Yadnya :"Nah, kene jani, Adi. Apan suba mabesikan, Bli lakar mapiorah teken meme bapan Bline, lakar madik Nyoman. Sakewala sukaang te ajak Bli lacur natakin malan Bline jumah, keto pesan, Adi."
Nyoman Dangin ;"Ngiring, Bli, tiang nyadia manatakin!" (irika raris pada ngrereh genah soang-soang mapiorah ring meme bapan ipun jaga pacang atemu rabi)
PAOS IV
(Gede Yadnya bengong ipun malook-look kacingak ring Men Bekung kalawan Pan Bekung,raris asapuniki kojar ipun).
Men Bekung : "Bapane ... mai ja malu."
Pan Bekung :"Sing taen sing repot Memene. Yangkan amone paicane, sekat ada pianake, I Gede Yadnya, jag membah pipise. Apa buin kdwehang Memene?"
Men Bekung :"Apa Bapane sing rungu? Ento pianake, mara teka uli mlali-lali, jag bengong negak malooklook. Maan Bapane nakonin, ya,pianake?"
81
