II Drama Bali Anyar
I Gusti Ngiirah Jelantik: "Prami suari ane anyar?"
Sangkuni :"Sira malih?"
Gusti Gde Murka :"Sasukat dadi prami suari gegaene jeg pragat mapayas,nuukin demen ati,ngutang pipis panjak. Sing kene sing keto suba belina. Pepes Beli ningeh, Ida Anake Agung jag penek tuunanga. Kenken ja cara panjak katatad. Buine, ane paling nyakitin keneh Beline, Ngurah kone raosanga mobah, tusing ngamanggehang janji. Ngurah raosanga membuh-embuhan dogen, demen mapunyah-punyahan, meluh-luhan. Raosanga nyakitin panjak, tan tindih teken Panca Dharma, tan tindih teken kadharman, setata ngae uwug. Beh, dueg pesan prami suarine ne ngae pisuna."
I Gusti Ngurah Jelantik:(Mapikayun)."Buin?"
Sangkuni :"Kawentenan Ida Anake Agung ring Puri seringan sungsut. Sumasat mabina kayune ngiring Ida Anake Agung."
"Kocap Ida, sang pramisuari masenengan ring silih tunggil parekan ring puri, tur makueh sampun wang jerone pada uning. Sakemaon Ida Anake Agung puput meneng kewanten."
Gusti Gde Murka :"Yen sing pineh-pinehin Beli, meh kenken kaden di Puri. Penangkilan geringingan ka Puri. Beh, bes ngencot solah pramisuarine tenenan."
I Gusti Ngurah Jelantik:"Yen keto,Ida Anake Agung patut pepesan aturin pakeling."
Sangkuni :"Awinan titiang rauh kadi mangkin, wantah Ida Sang Prabu sane ngutus. Sakewanaten Ida, Pramisuari nenten uning. Duaning kadi nadak sara titiang rauh meriki."
Gusti Gde Murka :"Buina, Beli ngaba surat, katiba teken Ngurah" (Nyerahang surat).
I Gusti Ngurah jelantik:(Sada alon ngagah surat,sambilanga mapikayun). "Rasa-rasa mirib tusing sesuratan Ida Anake Agung, Kewala lingga tangane, saih ring lingga tangan Anake Agung.(Gusti Gde Murka sareng
331
