Makudang-kudang Drama Bali
Nyoman Sukemi :"Ratu, ... tiang nunasang akidik? Napi mawinan I anak las kayune magentos parab sekadi jadma
jaba? Samalihnya pangangken idane asapuniki:
"Tiang ubuh meme bapa. Tiang anak kutanga
baan memen tiange mara lekad di rumah sakit.
Lantas ubuha tiang teken ibu bidane ditu.
Disubane tiang matuuh pat belas tiban, memek
tiange mati. Pamuputne bapak-ibu bidan ne
ngajak tiang ka Surabaya" "Asapunika kimono
pangangken idane ring titiang."
Gurun Gede :"Kurenan ipune, taler majarang indik leiintihane
asapunika."
Tamiu :(Ida Bagus Sunu meneng ajebos, mapakayun,
wus punika raris Ida ngadika malih). "Yan,
kakeneh baan tiang, mirib... apan duk anak
lingsir ne ngaadang uli geria, ada Ida ngandika
kene: "Idepang ja iba buka rarene ane kutanga
baan memene di rumah sakit I malu. Pajak
bebinjat, tur tusing ngelah kadang beraya". Nah,
... keto ada dingeh tiang panikan anak lingsime,
sawireh orta ada murid ngutang panak pusuh di
rumah sakit I malu totonan,anakenukayangjani
dadi sesimbingan. Ento miribang tiang ingetanga
teken I cening lantas dewekne saihanga kema,
yadiastu rarene inucap suba mati dugase mare
matuuh atiban.
Nyoman Sukemi :"Aaaaaaaaaa"(Nyerit kadi anak kasumpan).
Tamiu dan Gurun Gede : "Kenken ... kenken, ne..."
Nyoman Sukemi :"Nenten ...nenten, ...padalem tiang pesan
rarene punika. Aaaaaaaaaa."(Malih ipun nyerit.
Nyaman-nyamane sane makeh negak nyantos tur
sane sareng I wau maserep, kaget pisan miragi
Nyoman Sukemi nyerit,raris maka sami macelep,
dot uning ring kasujatiane).
Gurun Gede:(Ngraos teken nyaman-nyamane). "Tusing, ...
tusing, adaapa.
Memene, suba di kamar. Sura... tongosin malu
I mbok dini, saget ada apa-apa. Ane lenan, mai
300
