Makudang-kudang Drama Bali
Mén Nérti : "Nah énggalang orahang apa kenehé ngorahang. Jlema buduh mai semengan."
Wayan koyogan : "Kagampok terasné". (Pedih barak biing matané)
"Ngawag-ngawag mamunyi."
Mén Nérti : "Tegarang yén saja bani." (Kliwat pedih).
Wayan koyogan : "Krana icang teka mai, tawang nyai.... Eééé manusa, dingehang, icang bakal nyuang panak nyainé. Luh Nérti kija ia?”
Mén Nérti : "Bangsat..., jlema ubuan teka ténénan. Cara nyuang apa."
Wayan koyogan : "Cara nyuang apa? Bah..., né awak sing nawang. Nyén ténénan, ené suba madan Wayan Koyogan, ratun sugihé tur bagusé di Nyebeh dini. Nyak sing nyak bakal juang. Sing ada anak bani tekén Wayan Koyogan. Dija ia?"
Mén Nérti : "Bangsat!" (Ngempuangin aji kayu) (Teka Luh Nérti uling paon).
Luh Nérti : "Anak ngudiang miegan Me?”
Wayan koyogan : (Nepis apang sing kéna kayu) "Sedeng luunga I Luh teka."
Luh Nérti : "Anak kénkén ené Mé? Dingeh tiang saling jeritin?”
Mén Nérti : "Jlema buduh. Nyai majanji tekénjlema ténénan?”
(Nuding tur nagih manteg Wayan Koyogan).
Luh Nérti : "Pesu tiang sing taén."
Wayan koyogan : "Luh, pokokné kéné, nyak sing nyak bakal juang jani."
Luh Nérti : "Anak kénkén ené Mé? Tegteg apa mengong?"
Wayan koyogan : "Eh.... degag nyai Luh. Nyai sing nawang ené suba ratun makejang dini. Yén Luh nyak nut munyi Beliné, pokokné Luh dadi raja putri jumah Beliné. Ingetang mapayas tekén madaar duén. Sing ja kéné dini, makpak gaé duén, padalem kajegégané."
Mén Nérti : (Ngamuk nigtig Wayan Koyogan) "Makaad éh
