Makudang-kudang Drama Bali
Jita Pranaya : "Apa lacur, Paman, pajalane tuah pocol, Paman. Kalingke kedis sisih petak bakat, kidang, celeng alasan sukeh katepuk baan panese ngentak. Liu alase puun,Paman."
(Patih-patihe makakalih bengong ngatonang lda magelotan ring I Ranggawati)
Jita Pranaya :"Ratu Dewa Agung,Ratu Dewa Agung, sapa sira punika?"
Raja : "Yeh... dadi tandruh?!Adi Galuh ne."
Jita Pranaya : "Iwang Ratu, iwang Danuja punika Ratu Dewa Agung.
Raja : "Apa korahang Paman? Mara jani Paman marupa langgia. Nyen katepuk. Amone jegeg I Adi Galuhe."
Anggapati Wiladanta : "Naaaaaaaa, ne mara ja tawah, panak raksasa kasengguh Ida arini. Ratu Dewa Agung. Punika boya ja rain Palungguh Cokor I Dewa, panak Banaspati kawiaktian ipun. Intip titiang, ipun masang sesirep. Raris Ida Prami kearad ...katuludang ring grembengane, Ratu Dewa Agung."
Bela Kerama : "Weeeeee,jelema buta....Nyen... panakraksasa? Bekbekang matane, bekbekang.... Amonto nulen Ida Pramisuari, jog-jog panak raksasa munyin Pamane."
Angapati Wiladanta : Paman! Dadi bengkung Paman? Gelah pedas nawang. Ni Liku ngaba guna-guna."
Raja : "Apa korahang? Panak raksasa? Kene solah ibane. Tulen iba ngandapang kawibawan gelah. Paman,ered ya patih Anggapati. Dundun Paman, dundun! Matiang, matiang, Maaaaaatiang!"
(Patih Anggapati keni siksa antuk para patih seosan. Kacukil kengin penyingakan Ida jantos buta).
%
