Makudang-kudang Drama Bali
Ida marabi,jele melah mustine bareng-bareng."
BelaTapa :"Manawi patut atur arin Palungguh Cokor I Dewa,nyihnayang bela satia anut marabi ngiring palungguh Cokor I Dewa."
Raja : "Ento suba beneh, Paman. Ane abotang di keneh gelah ... ento bobotan Ida bas mara petang bulan, Paman, Paman, ajak patpat bareng gelah kemu nuju alas Pandan Sekare. Paman lenan ngijeng jumah, kemit arin gelah! Jalan Paman! dabdabang!"
Patih-Patih :"Titiang ngiring, Ratu Dewa Agung!"
(Bubar kengin panangkilane.Ida amarga, patih baudanda Ida tansah mangiringang).
Raja :"Paman, ulesne suba neked di tepi siring alas Pandan Sekare. Jalan dini ngae kemah. Paman Jita Prenaya, Bela Kerama. Konkonang suba. Apang awaine jani pragat."
(Raris kabangunang bangsal jaga makolem. Ajaan sampun rampung)
Paos II
(Kacerita ring Gunung Argapura wenten jin madue pianak sampun bajang, Dewi Serenggi Ranggawati wastane. Tan sah pianak jinne puniki mangipiang Ida Sang Prabu Koripan).
Jin : "Cening ... Cening ... Ranggawati! Dadi Cening belesek ... belesek? Kemu nyangklek, mai nyangklek, apa ada, apa ada ... orahang Cening teken Meme?"
Ranggawati :"Kene Biang, tiang ngipi Biang, ngipiang I Beli Mantri Koripan, Biang. Dadi timpahina tiang sedek pules. Nah yen Biang tresna, aling tiang, ya I Beli Koripan. Bakal anggon kurenan, Biang!
Jin : Ye, ye,nguda model, nguda model, iiiiiiiiiiiiih, ih, ih, ih. Sing dadi, Cening, sing dadi, apan ya I Mantri Koripan suba ngelah kurenan, Cening.
94
