Makudang-kudang Drama Bali
Panji Raras
Olih Ketut Putru
Paos I
(Sang Prabu Koripan, Panji Wardhana, ngawentenang panangkilan kairing antuk paratanda mantri kabeh. Sane rembayanga indik pramin Ida ngarempiniang kedis sisih petak santukan sampim petang sasih kengin bobotan ida. Sakadang punggawa tanda mantri mangda maburu ka alase praya ngrereh kedise punika, nanging Ida Prami mapinunas, mangda rabine ngrereh kedise punika ka alase).
Bela Kerama ; "Ne ... nguda tumben, semengan kulkul purine ngebut tan pasama dana. Minab ...ada kenken san ruet...to di puri?"
Bela Tapa : "Paman... antiang... antiang malu! Dadi, ... marupa gegeson,Paman? Apa ada Paman?"
Bela Kerama : "Kene ento Paman, liu panjake pakrimik dingeh tiang, Paman. Kenken tumben kulkul duene bulus? Sing nyen ada kekencan buat?"
Bela Tapa : "Nah,apang Paman nawang,Betara Dewa Agung praya maboros, ngalih sakancan ben burone di alas Pandan Sekare,ane lumrah dadi rayunan Ida. Ane makabuat ngisinin pangarempinian arin ida, Sri Adianti, muatang ento kedis sisih petak."
Bela Kerama : "Ooooooooo ... to ... to sih keto. Men ... nyen ane kandikayang? Paman tau?"
Bela Tapa :"Apang musti Ida ane lunga ngrereh kedise ento, mara ya Ida Prami ledang.
(Risedek patih-patihe magunem,rauh malih patih-patih seosan).
Jita Prasraya :"E-e-e-e-e-e-6-e ...apa ane debatang Paman? Jalan ka puri, apang da kabenduan."
Jita Agupua : "Ne mara jlema lengeh. Sing tau teken arah-arah, mustine sakonden pukul kutus apang suba di puri."
92
