Leak Pemoroan | 25
ento makada ia raket matimpal. Sasajané anak suba liu pesan Ni Luh Ayu ngemang | Lentir kesempatan ngraos,kéto masih Pak Kerug rasané suba ada pesan bayuné lakar nganggon | Lentir mantu, apa buin I Lentir sayan makelo sayan kasub di banjaran Lamintung tekén duwegné menain radio wiadin televisi. Sangkala sabilang I Lentir teka kumahné Pak Kerug setata sambuta tekén panyamané Pak Kerug, kabuinané setata Pak Kerug énggal-énggal ka carik,kenehné apang | Lentir maan kesempatan magesah ngajak Ni Luh Ayu. Sakéwala | Lentir tusing ngelah nyali lakar mesuang munyi ngalemesin Ni Luh Ayu. Béh kanti suba emed Ni Luh Ayu mancingin | Lentir apang énggal- énggal ngalemesin déwékné, kanti enem bulan suba | Lentir malali kema, tusing taén mesuang munyi ngalemesin Ni Luh Ayu. Sawiréh bes makelo Ni Luh Ayu nyuksukang raga sakéwala I Lentir tusing taén nyantep nyinahang déwékné mula dot teken Ni Luh Ayu. Ento awanané Ni Luh Ayu énggal-énggal ngalih gagélan lénan. Nemunin dina Weraspati Pon Sasih Kasanga, sagét ada montor ngebut becat gruwang-gruwéng ngempengin kuping kaja kelod bolak-balik jag cara mimis plaibné, sagét magedabwag nyrését di jalan aspalé mapantigan. Béh makejang anaké nyagjagin tur nyaup ngrerampa anaké labuh totonan abana ka balai banjaré. Montorné mapantigan di goté rétingné kepus sayap mukakné belah, sakéwala ané negakin babak belur. Pan Ayuk iseng nelokin anaké labuh totonan, saget maksiab Pak Kerug, mapan anake labuh totonan I Lentir. Enggal-énggal Pak Kerug ngajak I Lentir kumahné, sakéwala_ I Lentir kimud, sawiréh inget tekén nostalgilané masa laluné dugasné babak belur ubadina tekén Ni Luh Ayu. “Gara-gara Ni Luh Ayu Icang babak belur buka jani,” kéto kerimikané I Lentir di kenehné, mapan inget ia tekén Ni Luh Ayu dibi sanja nganten ngajak anak len. Ento suba awanané I Lentir sakit ati tur nyelsel déwék nglantas ia ngebut cara anak krangsuban.
“Beh, biin I Lentir babak belur cara ipidan dugasé katemu di carik,” kéto Pak Kerug ngrenggeng sambilanga
