22 | | Wayan Sadha
belur entud jalérné sigar bek misi buah padang bajang-bajang muah duin belatungé paganceng di batisné. I Kerug kangen ngiwasin batisné I Lentir liu matatu, lantas ia ngaukin pianakné madan Ni Luh Ayu
“Luuuh, jemakang ubad baraké aba mail,” sagétan teka anak luh bajang magambahan bokné selem dendem lantang nganteg ka jit, paningalané gedé, alisné tebel paliatné galak nganyudang
keneh warnan kulitné buka langsaté. Sasubané teked di aepané | Lentir raris ia makenyem tur ngubadin batisné | Lentir, | Lentir makesiab angob tekén jegégné wiadin tekén ramahné rasané suba kenal makelo, kuala I Lentir nyaru-nyaru sakit giet-giet giginné, mara batisné olésina ubad barak.
“Dados bapaké bisa babak belur buka kéné?” I Lentir nyaru-nyaru tusing ningeh, mapan sepanan mikir sawiréh ia kapingon ngiwasin anaké bajang totonan jegég sajan. Sasubané Ni Luh Ayu matakon buin cepok, mara | Lentir ngelah jawaban
” Titi,tiang... itunian labuh di jalan aspalé, ento makada jalér tiangé uwék batis tiangé rogrod.”
' Ni Luh Ayu manggutan sambilanga nguntul, sawiréh mrasa elek mapan | Lentir setata peningalané ngrasa tangkahné runtag, kéto masih I Lentir tuaraja nyidang ngelénang paliatné sawiréh cara anaké kena panah sangyang semara.
“Béh, ngudiang kéné jegég anaké tenenan? Idéwék marasa dot pesan tekén ia,” kéto krimikané I Lentir di tengah kenehné, sakéwala ia tusing bani ngorang. Pepinehné nglantur nrawangsawa, inget ia tekén céwék-céwéké | Sutinem, | Ida, 1 Novi, I Legiem wiadin ané lén-lénan ané biasa ajaka matemu rasa, sakéwala tusing ada amun Luh Ayu jegégné, Mula saja jegég tusing misi émbél-émbél gincu wiyadin pupur matémplok, pokokné jag jegég alami tuara ada mada-mada. Ento makada I Lentir cara kena pengaruh, tuara ja nyidaang nyatuang, tur tusing nyidang ia engsap lekén kajegégané Ni Luh Ayu, pokokné setata muané Ni Luh
