KIDUNG PANJI SUMIRANG, GERIA GDE BALAYU. 94
117a | Si Rangga Wiradda prapti,
atur sembuh ring Saghulun,
Sri Narndra angucap,
"Ih paran unggwanning,
padahi umyang gumuruh,
lwir wong anawung salulut,"
Kén Rangga alon angucap,
"Samakna patik Nrepatthi,
117b|angubda lampah ranak/
Sanghulun. 141.
Katinut dé patik Aji ndah tan/
kinas,
Radén Kretthanatta,
punang kaménni Pukulun,
ranak Sri Nrepati,
Sira Dyah Candrakéranna,
uni atilar nagantun,
wus angawé rajya,
ana ring Kuta Waringin,
mangké sih ing Hyang apupul,"
Sri Naréndra kagyat angrumgu. 142.
Kewewegen siréng ati tur angu-/
cap,
"Apatih Miwéka,
sopaoaréng ratna-wadhu,
anawung karasmin,"
anuhun sira tur lumampah,
prapta Sri Ndrepa-wadhu,
Sang Natta angucap,
“Pareng lumampah yayi",
Tumurun karo Sang Prabhu,
Karang Prannaraggha tinuju. 143.
Ri prapta sri Bhupati rikang/
Kareng,
kang wong egarawalan,
Nrepati maring salu kidul,
sira Panji gipih,
akaron turun anembah,
Sri Narendre anembah,
Sang Hyang-Hyang sinembah,
namma siwa ya mami,
sampun sira samma alungguh,
Sri Naréndralonnamuwus. 144.
118a | Kaya atran ingsun Nini,
mangké sidda manggih sadyuh,
anemu nilotpala,
ring madyanning pasir,
asih ira Hyang Atanu,
tinapik ing nishakara,
uminda ana ring bhumi,
umurip wong sir srayéng tanu. 145.
Ingusap-usap Radés Déwi,
dén ira sri Ndrepa-wadu,
"Tuhu wruh sira mmas mirah,
abawa wong laki,
mangké dén asih Sang arum,
umanjing siréng pagrehan,
tinut dé sri Narapati,
seuwus ira Sri Nrepa-wadhu. 146.
Seng inajnyan angling aris/
atur sembah,
sajnyan ira kasuhun,
suka Sri Naranattha,
tumuli lumaris,
pinundhutting garebong,
Sri Naréndra munggwing gayat,
gumuruh lumampah,
wus prapta siréng puri,
Sang para-putri dumulur,
ring salu kilyan tinuju. 147.
Sri Naréndra tinangkil ring/
pangastryan,
Rakryana Patih enembah,
wus putus dé Sanghulun,
punang pali-pali,
Sri Narréndra angucap,
“Kaki Tumenggung Lumaku,
maring banwa Deha!
Sira Dmung maring Kling,
118b | wawanen kang réka iku,
katur ring Sri Wira Prabhu. 148.
