KIDUNG PANJI SUMIRANG, GERIA GDE BALAYU. 5
5a|Tuhu yan murtinning ratih,
kamekar éng twas angarang,
asayanna den ing sarimang,
ajirnna ring ashih,
tuhu anut warnnan niku,
Rahadén Wijayasmara,
tumut Dyah Anglungrasmin,
umashih ndah tan warnnanen/
ingsun. 32.
Mungguh ring geger angginggil,
angulwanning lumampah,
5b|ana ring rupit nikang lirang,
ring unur ing warih,
sumurup ri sor ing taru,
anna ring iring ing jurang,
suken-ya nyanding idding,
tumuli angungang rannu-agung, 33.
Kagyat umulatti warih tuhu/
wiyar,
alunn-ya sumbrambah,
ana tta damma kadungus,
jumujug ring jronning béji,
asri ya kinarang-karang,
ingideran sarwa santun,
tur asehen skar,
brahmara nggreng angring-gring,
lalittan-ya nguddang-nguddang/
madu,
lwir amumungu lulut, 34.
Katon kang langun ing ukir misréng wiyat,
rinerebbhanning bimma,
mukshah mukshayadinulu,
panjrah ing sarwwa sari,
naghapuspa mwang nagghapasha,
ring watu karuharan néku,
taru kombala anjrah,
iring ing nagghasari,
winilet ing puspaeasha, umung,
bramarangisep santun. 35.
Kagyat mulatti wreksha asti,
samma alara tinoran,
akundah-kundah ya ring lmah,
trenan-ya akingking,
klaranning raratuntun,
trennasri tumut kelaran,
6a|Latangkura akingking,
siptang sipta sasambatn-ya a-/
sru. 36.
Duh Déwwa sang alalis,
mangké umor ing acintya,
tan sah sumusup ing nalla,
gumantung ing ati,
makapangubbhan ing uyung,
tinempuh ing panes lara,
katiksnan ing Hyang Rawi,
mangké angub ring maharihuyung.
37.
Atiyang laranning atti kapanassan,
asulur nastapa,
awatwat lara éwuh,
asusur lara kingking,
awilah ya larabara,
makamuddi rasa uyung,
wuwunghan riditta,
atali larawisti,
binatur ring balisah épuh,
asalu érang sahumur. 38.
Tuhu yan pangdan ing Widdi/
amidanda,
anmu larabara,
mangké winawad ing jawuh,
mahungu rasha sutrepti,
lattangkuranjrah asinwam,
wrekshan-ya samma awungu,
kukappé sumahab,
kang wreksha katon lwir winggit,
wing siptaneyanna lumaku,
akrah yan warnanen ingsun. 39.
