KIDUNG PANJI SUMIRANG. GERIA GDE BALAYU. 67
833b|Tuhu yan sih asawitan,
atut asampriya,
ayunning negantun,
ginugya-guhya,
ring swastannikang negari. 28.
Sumawur Sri Narapati,
ramaniya pwa ginugon,
ana rakwa ring usanna,
tatwanning wira-purusha,
84a|tinuha-tuha ring Aji,
yan sira Sri Narapati,
inawagatta ddé duratmaka,
yan tan wani angepok,
narati tunca gowati,
tumibéng nira ya padda. 29.
Kawong prasamma misinggih,
umanjing sira Sang Katong,
jumujug ring salu kilyan,
Sri Pramiswaryya amapag,
asmu guyu Sri Bhupati,
yayi papareng alinggih,
mangké ingsun lumaku amrangha,
tinawwagattan ingong,
dénning Sattriya ambrepi,
wannawa sitwa kukuttan. 30.
Sri Pramiswari angucap,
singgih Sri Naréndra,
sampun patikutu,
dén nira aprang,
alah ipén ingsun uni. 31.
Katon ta Dri Waranatta,
anunggang ring palwa,
sagrehanning laku,
tkéng Mntri brastha,
karem ering madyanning pasir. 32.
Sri Bhupati angling aris,
ngarekki sira seng anom,
duh yayi atmajiwitta,
sang murttinning sarasija,
asara medu gianniing,
tan sah jampyan ine akingking,
84b|mas ingsun Sang Hyangning/
kusuma,
patibratta ginugon,
tuhu ashih ring laki,
édan ashih pakan nira. 33.
Pinangku sihan ta yayi,
sun-ya nirbanna ginugon,
suddanning anut ashiha,
ana ring wayadyatmika,
satya-brattan ing istri,
agung swarggann-ya pinanggih,
yan susatya darmmanut ing priya,
Sri Pramiswaryya ngucap alon,
kris kaprabon sun kinanti,
lirangku manggihi sira. 34.
Enti wlas ira Sang Katong,
amangkoken kadga,
angaras tur amkul,
kantunna Pangéran suh mijil. 35.
wus ayas Sri Naranattta,
sopacaréng yudda,
lelenginn-ya mlecut,
Sri Pramiswaryya,
mulat tan tresnéng putri. 36.
Prapti ri yawi Ndrepati,
sesek supenuh punang wong,
tabeh-tabehan gurnitta,
gending gubar asimban,
Sri Surantakka angling,
mangkat ta kitha dén aglis,
85a|Wira Dmung sira mangaranna,
nuli mangkat dumudon,
lakunn-ya tan gigisin,
1wir bubur Sang Hyang ing lemah. 37.
