KIDUNG PANJI SUMIRANG, GERIA GDE BALAYU. 63
78b|Alara Sri Narapati,
Sri Pramiswari angépon,
ndah tan koning laran nira,
Sri Madéwi winarnnan,
79a|wus prapta ring Kadéri,
Rakriyan Dung Tumenggung /
angiring,
samma sampun umanjing ing/
pura,
Sri Naréndra tinrajon,
asmu smita angling aris,
ingké sira alungguha. 225.
Duh sammakna ingsun tuwan,
endi anak ira,
Sri Madéwi matur,
wus wyar ring kutta,
no rakna inungsi. 226.
Radén Indu Krettanatta,
laku angombara,
yan nora katmu, Dyah Candra-/
kéranna,
nora mangsul maréng Keling. 227.
Lintang lara Sri Bhupati,
tin embang lara ginepon,
aniba sira antakka,
kang wong agarawalan,
Sri Madéwi nulungi,
sampun sira anglilir,
ngusap soca teher sira ngucap,
asret metu ujar alon,
duh yayi Mahadéwi,
sira umadeg ri pura. 228.
Gantyanin sang wus alalis,
Sri Madéwi ngucap alon,
79b|wimudda patik Sri Natta,
sih tuhu ttan panenggaha,
gegen sakareng kinanti,
sampun samma pinisinggih,
ndah tan kawarnnan sukahanira,
mangké ta sang kalaron,
gumanti ya winarni,
Raden Indu Krettanatta. 229.
Mungguh ring kutta-Wandira,
pinarek ing wadwa,
Rangga Wirada matur,
singgih mas Pangéran,
ring endi karsha Ndrepati. 230.
Rahadén Indu angucap,
yan atut ing nalla,
ri dénta lumaku,
pada asalin aran,
sun Panji Jaréngsari. 231.
Si Ranggawiradda nammi,
Punta Kbopanggrus ginogon,
Kartala Mahishasura,
kaka si Widdasaka,
namma Lembu suréngpati,
kagét Kén Tumenggung prapti,
mendek anembah ring sang lwir/
smara,
nuli atur alon,
singgih Déwwa sang apekik,
wus ring pura matuh ira. 232.
Lintang lara Sri Ndrepati,
80a|kapati sira ginepon,
wétning panguccang ing lara,
ri lungha pakan nira,
kagét prapta Rakriyan Patih,
inutus dé Sri Naténg Kling,
sregep sopacaranning ayudda,
sira Panji ngucap alon,
agé prapta kaki Patih,
asih ing wong inasraya. 233.
Sira Kriyan Patih anembah,
alara Sri Naréndra,
kahula ginrek laku,
den ira Sang Natta,
kinon anut lumaris. 234.
