KIDUNG PANJI SUMIRANG, GERIA GDE BALAYU. 25
30a|Ni Liku sigra prapti asma/
smitta,
kang gunna pinasang,
mushah twas Sang Ahulun,
no ranéng bhumi,
sira Liku nora madda,
ayun nira sudda nulus,
Sri Patti wus prapta,
angling Sri Narapatti,
aywa saba mwah maréng ringsun,
sahitya nduleg ing tanu. 51.
Kawewegghan Sri Patti siréng/
nalla,
dén-ya pinaksha patta,
neher sira glis tumurun,
Sang Putri kinanti,
lumaris maring kangetan,
Sri Patni-anyapinunjul,
dé Sri Naranatta,
30b|tan sah sira sumanding,
nityasha suka angulung-ulung,
Sang Natta sira tumut. 52.
Kunang sira Radén Déwi,
sira Dyah Candrakéranna,
wus cinitranning prabangkara,
sampun katur ing Kling,
suka sira Sang Ahulun,
anon orarasning cicitran,
enengana Ndrepati,
Sri Naréndrawara wanni nuwus. 53.
Nityasha angulih-ulih,
ring sutrepting nikang nagara,
lawan sang paradimantriya,
tuhu widagdanglus bhumi,
pratapa sira Sang Prabhu,
akwéhan sang paradwija,
wicakshanna ring Aji,
angdani tan anna bhaya kéwuh. 54.
Pirang warsha Sri Dhupati/
kang cinattran,
tustanghérring sanna,
kala diwa rahayu,
Sri Narapati,
mijil ana ring pangastriya,
ring singasanna alungguh,
ana ring mandappa,
sumanding parareshi,
pepek kang paratanda aungguh,
Sri Naréndra amuwus, 55.
31a|Uningan uwaca mami anga-/
péki,
sojar ring janapadda,
mupawadda sang ulan supala,
kang nggrakasha bhumi,
sira sang parampu Danghyang,
prasamma gorawa matur,
singgih Sri Naréndra,
liwar sutrepti bhumi,
noranna wyadi baya kéwuh,
sapa ndiri Sang Prabhu. 56.
Wétning susila Ndrepati,
Suksméng citta tan gindalla,
tinut ing manupadésha,
tumut upapati,
tuhu rashéng parasadu,
mwang ujar ing Tanda Rakriyan,
sang sudajnyanéng niti,
Ndrepati suka anut ing tanu. 57.
Metu sukka-saddéng bhumi,
osaddi mwang palamula,
anjrah ring epinning awan,
supalann-ya wreddi,
rinubung ing sarwwa santun,
tundak katur angganna,
doshann-ya tibéng lirang/
malengut. 58.
