KIDUNG PANJI SUMIRANG, GERIA GDE BALAYU.23
27b Iku tukunnana kaki dibya/-gununna,
sagung ing kinarsha,
Raden Mayashih sumahur,
yan wus pini singgih,
aywa sira langgannaha,
ring jeng Sri Mahaprabhu,
yan kedwanning ulah,
wimudda moha drenggi,
ndah tan ulah ikang Satriya-Wadu,
tan wun abalik kewuh. 35
Ni Liku krodda anudingi ih ta sira,
tuhu pakshaptta,
pamulihamu den asru,
anukkanni bibi,
ngong apti murang-murang lampah,
tumurun alabuh banyu,
ndan sang inujaran,
kawewegghan ering atti,
wetning shih asanak pinituhu,
tan simpang ring ala-ayu. 36
Marmmara amuwus aris,
sajnyan nira tan linanggannan,
mangke ngwang apti lumarap,
yadyan angmasin,
gumuyu sira Liku,
asung ing Ratna-bhushanna,
panawuran ing Kapti,
sira Mayashih sigra lumaku. 37.
28a Sakawancara umiring,
ndah tan kawarnna sirang awan,
wus kahassan kang wanacalla,
sumengkar ing ukir,
rumputhing awan apredung,
prapteng enggala awiyar,
tanem-taneman asri
bandi arok ring katu sumunung. 38.
Sulaket mwang gundik ashih ring/galengan,
anjrah ing panggagan,
kakandamangsa maluhur,
anjrah ring pinggir,
litus kumili wipalwa,
wari raktanjarah sumunung,
ring lebak kang lirang,
Rahaden Amayashih,
mattra sukanning twan andulu,
nuli sira lumaku. 39.
Anusura pringga wisthi wanan-/tara,
suket linampahan,
pringga durggmaluhur,
ulettann-ya rupit,
dadi anmu keriyah,
mwang lutung muni ya umung,
pang ing tahen eragas,
lwir anuduhi laris
26b sumyok ing camara ya gumuruh
winursiteng lumaku. 40
Tur munggah ring geger anginggil,
angungang kidul ajimbar,
katon arjan ing katyagghan,
ring madyan ig ukir,
sopacarann-ya alangu,
pinanta-panta ring kembang,
jinjeran erawati,
sitamboja wor ing rara tuntun. 41
Tumanduk Araden Mayashih,
ring yawin nikang kattyagghan,
ninindang kang tmu tur angucap,
ndi sangkanta kaki,
prapta ring asramma samun,
enti suket nikang lirang,
wyala lumeng kumawit,
satorashih gugga-dugga Sang Ulun. 42
