KIDUNG PANJI SUMIRANG, GERIA GDE BALAYU,19
22a| Sira stri subratta,
sun-ya dinunung,
suklabrahmacari,
suddan ing yasha nirmala,
ring Gunung Wilis,
putusning jnyanna asraya,
sudden ing yoggha kinapti,
santashih Hyang Mahulun/
sidanning yasha tinemu. 3.
Wibhuh paranatha,
anglamar tan tinut,
Dyah Békogandasari,
ngatanning san suyashatanttra/
snéng bhumi,
yayatti suka wibhawa,
tan kasarik ing tanu,
sukasadda sahana ring bhuh,
22b|suksman ing yasha dinunung.4.
Winuwus Sri Naténg Keling,
susila darma siréng sarat,
satsat Sang Hyang Janardanna,
amnuh ing bumi,
ashih ing san parasadu,
lumraken tan danna-punn-ya,
Hyang Nilajnyanna umashih,
marmmanning tan anna baya-kéwuh. 5.
Nityasha angulih-ulih,
ring sira sang paraddikshitta,
Tatwan nikang wayadyatmika,
raséng mkarapindrih,
wus sidda sinudéng tanu,
Tatwanning guli prawésha,
suksmajnyanna subrati,
suddan ing andaja ayu nulus. 6.
Tan koning éng dina ratri Sri/
Naréndra,
Wus sira krandana,
ring sira Sang Nrepawadu,
tumuli karlangit,
awenes Sri Nrepawaduhitta,
anushah wanna maluru,
amuwuh ing raras,
suka Sri Narapati,
baryyan dina inamer ing laku,
tarlingen laman niréku. 7.
23a|Wus putus kang sitarasmi/
ring jro garbbha,
tumuli ngatmaja,
mrentaka munn-ya gumuruh,
umung kang padahi,
prapta sira sang paradwija,
tinut déra sang dudukun,
wuwus shopacara,
suka Sri Narapati,
dén nira sunu kakung abesus,
nityashangamer ing sunu. 8.
Ring wwé rebo siwwa umijil,
Ki Ranggan nika ring Dungullan,
satsat Sang Hyang Manasija,
anurunning bumi,
agawok kang wong andulu,
suwanan nira Rahadyan,
tuhu ndah tan pasiring,
lwir kumudda ring pasir-madu.
9.
Kawarnna Sri Narapati,
sang catranning Nagaréng Deha,
satsat Sang Hyang Suradanna,
uminda ring bhumi,
wus sira asunu wadu,
wijil ing Sri Ndrepaduhittha,
lwir Hyang Sittarasmi,
tan pingging ayun nira andulus.
10.
