KIDUNG PANJI SUMIRANG, GERIA GDE BALAYU. 12
13b|Pininda bhujagghakre-/
ti,
sing turidda ing awakan,
sarpa kusumma pradipta,
asisik tangguli,
sinlan slan dén ing ungu,
adanti kudunning wwiraggha,
sarasija munggwing akshi mawiu,
alis ganggong tinurut. 88.
Binosanan padappan ing njring,
rinawissan ing jangga,
mwang katiruh pinindajiwa,
angaladda manis,
kadyangalap pitwas lulut,
sahanning kusumaa,
winarnnahastra malungid,
lungnig janggalalaras minahikung.
89.
Wlas lulus nalyan ing attinning/angarang,
dén ing astra puspa,
adadap sari mwang katu,
alimpung bajra kétaki,
14a|cemppaka sanna trisula,
lunggah ing gadung alumung,
winarnna ing pasa,
angshokkasti mbrik manging,
padappa nglampwanga jiwallangu,
mattya angutti-lulut. 90.
Mésem Twan Déwi angling kaka/
Bayan,
sira tumandangha,
Kapasiran sira tumit,
Kashanggit umiring,
kalawan sira Pangunenghan,
rawong ira dumulur,
amarang ing raras,
pan wus pratamma ring gatti,
sang liningan nembah asmu guyu,
adan mangké adulur. 91.
Angadeg sasarwya mecikki,
sampur-sampur mwang manglé skar,
wusn-ya maharja kemeran,
anumpukkang sari,
prasamma angligghahakung,
tngahn-ya ro sha madappa,
katon kang suswa arupit,
n-yuhdanti érang jrih maruru.
92.
Smi mletuk alussyanéng uri.
lurusning wentis angétakka,
anggring-nggrang ing rasha/
anggraras,
aumlang nolih amanis,
14b|turryyan nikang siphat lulur,
mwang jnukna kadrawwa,
pantes rupa amanis,
lumaris solahn-ya alangu. 93.
Tuhwa kung nggraganni ati kadya/
mangpang,
gumuruh ing tuban,
anempuh séla kadungus,
amagut lanyu kumrincing
lwir gending gubar asimban
yattan awung ing kelangun,
angubung ing raras,
amuwuh ing kerasmin,
raras araras gilingan lumaku,
kudann-ya manggragung awu. 94.
Sumyok pasurakni camara kangi-/
nnan,
ri geger anglunang,
lwir angadwaken lulut,
amagghan ingkanang kashih,
panahen ararasan ing pu dak,
mangkin ta ya lumaju,
atengeran Mirah,
padappanning jininjring,
ési jayéng turidda malulut,
leleh ing twas sahajur. 95.</blockquoter>
