KIDUNG PANJI SUMIRANG, GERIA GDE BALAYU, 10
11a|Wus sumurup Sang Hyang Rawi,
prapta kang méggha sumahab,
greh mandra-mandra kidul kilyan,
matrang riris alit,
timbira dawuh anakut,
anadah Sri Naranattha,
umuni kang gending curing,
eredep mwang winnaya linawung. 72.
Prasamma suka sumukti,
punang saruwa surasha,
suka sira anak ira,
mwang sri Pramiswari,
katika tkéng parawadu,
wus putus sira anadah,
rawong ira anyarik,
paratanda sirna wus asuguh. 73.
11b|Tan konning éng ratri énjing/
SriNarendra,
sampun sira ayas,
tinut dé Sang Nreppawadu,
mwang sira Radén Déwi,
Radén Ino sampun ayas,
lumampah sira Sang Prabhu,
anéng lebak-lebak,
iring ing jurang marupit,
suket-suket gammyéng alas predung,
prasamma wus kapungkur. 74.
Apan apan ta langun nikang asra-/
mmi,
mukshah dinayannan,
kawuhan dén ing amubu,
ndah tan kawarnna ri marggi,
sampun prapta ring awidya,
ring lebak sira kukuwu,
wus manjing Sang Nattha,
tinut Sri Praméswari,
Rahadén Déwi sira aklangun,
Radén Ino dumulur. 75.
Adudon laku lumaris,
tinut dén ing pawongan nira,
ambarang-mbarang ing raras,
tulai Radén Déwi,
suruppa ayu anulus,
lwir Sang Hyang Nishakara,
prapta nglanglang karasmin,
tuhu asri ri sukunning gunung.
76.
Manghamulat erumning ukir,
kadya asuguh ing raras,
12a|panjrah ing puspa sumkar,
retwanning asuji,
kawor ing katikka alangu,
kang janggamuré ring jurang,
umider ing karang asti,
Radén Déwi suka andudulur. 77.
Rahadén Ino lumaris akala-/
ngwan,
tinut dénning wong ira,
samma suka andulur,
kalangwan ikanna ukir,
Radén Mantri lwih kamagghan,
mulat erumning jangga anggrubung,
rikang wyala puspa,
summa aseken sari,
lwir nyah kakung ngarang ulangun,
tan sah amangku lulut. 78.
Tuhu yan murtinning ati angha-/
ngarang,
ring Hyang manghaaraya,
akaras eraras lulut,
aracanna karasmin,
atan raras ing sharimmang,
wkasning ati pinupul,
ring mkara-dwaja,
so tanning jayéng rasmi,
sang atengeran wédda puspa tuhu,
tayanning sakalangun. 79.</blockquoter>
