KIDUNG PANJI SUMIRANG, GERIA GDE BALAYU.8
8b|Manghamulat erumning ukir,
kadya asuguh raras,
panjrahning puspa sumkar,
pantaranning asuji,
retwa ring ujar alangu,
winnarma munggwing pralambang,
Sri Narédra Catur-bhumi,
subratti tan ana baya kéwuh. 56.
Rahadén Ino anammi,
twan Wiruku summa,
9a|wicakshana ring awidya,
rupan nira apkik,
lwir Hyang Smarashih anurun,
tuhu aminda ring jagat,
arin nira sawiji,
surupann-ya ayu anulus, 57.
Sinawangn-ya manglésa ri winaddahan,
dén ing nenampan mas,
téjann-ya dumilah murub,
Dyah Annrangsari anammi,
wus amwit ering yayah ira,
aptin nira aklangun,
ring gunung Awidya,
suka Sri Narapati,
adan tumut lungha maring gunung,
tinut Sri Nreppawadhu. 58.
Wus sinénghan déNdrepati para-/
tanda,
Rakriyan Patih prapta,
inajyan dé Sang Ahulun,
mangkat ta ingsun ering bénjing,
mangké sira apangaruh,
kudda liman eretta iku,
dén tuhu sangkepan,
Si Rakriyan Apatih anglng,
duh singgih Sang Sri Mahaprabhu,
anuhun patik Pukulun. 59.
Rakriyan Apatih wus amit,
aluwaran Sri Naramatta,
kang wong sanma abyegghatthan,
ndah tan kawaméng wngi,
9b|énjing ayas sang Ahulun,
kampuh ira sinulamman,
sabuk maya-garingsing,
amanis ginatréng tatur. 60.
Aglang-kanna adumanis,
kris ira alandéhan kusya
tindreppanning ratna-maya
sinimba ring manik,
kumram dumilah murub,
kuneng Sri Praméswaryya,
sampun ayas anggrawit,
parawadu ayas adulur. 61.
Wus ayas Rahadén Déwimring/
kamegettan,
sopacaréng raras,
awastra ya sutra-ungu,
asinjang madu kasilir,
mapaningset sutra kembang,
tinreppan dén ing mas ajur,
kinarang balangan,
ajamang lungsir wilis,
sinulam sinusur ing tatur,
apinggel jagasatru. 62.
Pawongan nira prapti sampun/
ayas,
sopacaréng lampah,
surupann-ya ayu-ayu,
prataméng raras anggrawit,
Radén Ino wuwus ayas,
makampuh lungsir-ungu,
sinulan ing kembang, tinrepan
10a|tinrepan dén ing rukmi,
kris ira landéhan kusya murub,
apinggel kmit-tuwuh. 63.</blockquoter>
