Kembang Rampé
antuk titiang naanang kebusé". Déning ida Radén Galuh mwadah peti dadi sing koné pirengang atur I Pucungé.
Suud I Pucung matur kéto, tuunan lantas ia ka tukad kayéh sambilanga mamanting udengné. Tadah ka luanan koné ia kayéh baan klangenné maan yéh ning. Ditu rauh lantas ida Radén Mantri semeton ida Radén Galuh nandan macan pacang anggen Ida ngentosin semeton sametoné. Sasubané Ida Radén Mantri rauh sig tongos petiné ento, ngelisang raris Ida Radén Mantri nyereg petiné tur kamedalang ariné.
Sasubané ida Radén Galuh medal, jani macané koné celepang Ida tur buin kakancing, seregné buin koné duur petiné genahang Ida. Gelisang raris Ida Radén Mantri mlaib sareng ida Radén Galuh budal ka Koripan. Buat isi petiné kasilurin tusing koné tawanga tekén I Pucung. Sasubané ia suud kayéh lantas ia menékan. Teked ba duuran dingeha koné krasak-krosok di tengah petiné. Ngomong lantas I Pucung, "inggih Ratu Galuh, menggah ménawi cokor I Déwa dados cokor I Déwa krasak-krosok wau kaokin titiang manjus. Margi mangkin cokor I Déwa budal kumah titiangé, drika mangkin anggen titiang kurenan. Samalihipun titiang sampun nyediaang cokor I Déwa wohwohan liur ipun: buluan, salak, croring, miwah manggis. Pacang rayunan palungguh cokor I Déwa sampun wénten jumah titiang kasediaang antuk panyeroan palungguh cokor I Déwa, tiang maderbé mémé. Sampunang te kenten menggah cokor I Déwa, mangkin iringa ja cokor I Déwa budal!"
Gelising satua majalan ia P Pucung ngamulihang negen peti. Sasubané neked jumahné, kauk-kauk lantas I Pucung ngaukin méménné, "Mémé, Mémé, ampakin tiang jlanan, tiang ngiring ida Radén Galuh mulih. Tiang anak suba icena nunas ida Radén Galuh tekén ida sang Prabu." Matelah-telah men méménné ditu jumahan apang kedas, krana lakar nglinggihang Ida ditu, uli seméngan Ida tondén ngrayunang. Méméné tusing ja ia nawang keneh panakné, slengagan koné
78
