Kembang Rampé
pangandikan Ida Betara, budal lantas dané. Teked di jaban purané mreren lantas dané di batan punyan binginé, sambilanga dané ngantiang I Pucung.
Buin akejepné pesu lantas I Pucung uli gedongé tur jagjagina Jero Mangku lantas ia matakon, "men, sapunapi Jero Mangku, wénten minab wacanan ida Betara?"
"Kéné to, ida Betara lakar ngicén ida sang Prabu kaluputan, nanging yan ida sang Prabu kayun ngaturan okoné ida Radén Galuh ring Ida Betara.
"Men, mangkin asapunapi pakayunan jeroné, déning sapunika wacanan ida Betara?"
"Nah melah suba cai kema ka puri ngaturang tekén ida sang Prabu indik pangandikan ida Betara. Bapa sing ja bareng kema, reh jumah ada tamiu ngantiang." Déning kéto pangandikan Jero Mangku, dadi kendel pesan koné I Pucung, wiréh guguna pamunyin gelahné tekén Jero Mangku, tur lantas ia majalan ngapuriang.
Sasubané I Pucung nganteg di purian, ngandika raris ida sang Prabu, "men kénkén Pucung, ada pawéhan ida Betara tekéning iba, tegarang tuturang apang manira nawang?"
Matur I Pucung, "inggih wénten Ratu Déwa Agung. Asapunika wecana ida Betara ring titiang. "Ih iba Pucung kema, aturang wacanan gelahé tekén gustin ibané buatné nira ledang lakar ngicénin ida kaluputan, mangdané guminé karahayuan, nanging yan Ida kayun ngaturang okané, ida Radén Galuh tekén nira. Asapunika pangandikan Ida Betara ring titiang. Inggih sané mangkin asapunapi pakayunan palungguh cokor I Déwa, déning asapunika pakayunan ida Betara?"
"Nah yan akéto pakayun ida Betara, anaké buka manira sing ja bani tulak tekén pakayun idané, sakéwala guminé apang rahayu, manira dong ngaturang dogén. Da buin mara abesik panak nirané karsaang, kadong makadadua, nira lakar ngaturang." Ditu ngendelang dogén kenehné I Pucung déning
76
