Kembang Rampé
teke lantas méméné uli peken, dapetange I Kesuna monotan nguyak oot, lantas ia matakon tekén pianakné I Kesuna, "Kesuna, Kesuna, emboké I Bawang kija?"
"Kija kadén, anak uli makalah méméné ia magedi, né jijihé icang pedidian mragatang nébuk".
Jani kacerita koné I Bawang suba suud ia kayeh, lantas ia nyalud yéh abané mulih, mara néked jumah laud wélanga tekén méméné, "kéné dogén bikas I Bawangé, sing pesan bisa medalem adi. Adiné pedidian nébuk, nyai teka itep kayeh, ngresikin iba dogén gegaén nyainé, sai-saiang ibané kéto!" Masaut I Bawang mlawanang déwékné, nanging tuara guguna tekén méméné. Suba kéto ngomong buin méméné, "Baang, Bawang, né baanga ja jani gegaén. Kema panting taled adiné ke tukad!" Nyrutcut lantas I Bawang luas ka tukad ngaba taled telung bidang. Suba néked di tukad, lantas I Bawang mamanting. "Koplék koplék, ya plek-koplek yé anyud." Anyud koné taledné abidang. "Koplek-koplek, yé anyud." Anyud koné buin taledné abidang, jani nu taledné abidang. Suba pragat mamanting, lantas ia mulih.
Di subané ia néked jumah, lantas ia morahan tekén méméné, "Mémé, Mémé, taledé anyud duang bidang". Mara kéto piorahan pianakné lantas pedih méméné, "ngéngkén dogén I Bawang kabisaané, tekén mamanting taled tuara keduman baana. Kemo alihin taledé, lamun tondén bakat da mulih!" Tigtiga lantas I Bawang tekén méméné. Ngeling lantas I Bawang sigsigan ngojog ia ka tukad ngalih-alihin taledné. Suba néked di tukadé, tepukiné koné sang Testes.
"Sang Testes, sang Testes, ada kagét nepukin taled adin icangé?"
"tusing, tagerang ditu di tebénan takonang tekén sang Udang!"
Ngatebénan lantas I Bawang, tepukina sang Udang.
"Sang Udang, sang Udang, ada kagét nepukin taled adin icang?"
52
