PURWAKA
Om Suastiastu,
Tetujon manah titiangé ngaryanin buku Kembang Rampé Kasusastran Bali puniki, tan séos wantah mangda para pamaos, ping arep para siswa miwah para mahasiswa uning ring parindikan kasusastran Bali.
Buku Kembang Rampé Kasusastran Bali puniki, malih dadosang titiang kalih wewidangan inggih punika: (1) Wewidangan Kembang Rampé Kasusastran Bali Purwa, miwah (2) Wewidangan Kembang Rampé Kasusastran Bali Anyar.
Buku Kembang Rampé Kasusastran Bali Purwa puniki, malih dadosang titiang kalih paos, minakadi: buku kapertama (I), ngunggahang parindikan wewangsalan miwah satua-satua, sakadi sané medalang titiang mangkin. Buku kaping kalih (II), ngunggahang parindikan geguritan-geguritan miwah peparikan-peparikan.
Sakadi sané aturang titiang ring ajeng, buku kembang rampé puniki, sajawining tetujoné nguningang ring para pamaos sinamian, taler tetujon titiangé mupulang kasusastran Baliné sumangdennya tan ical.
Inggih asapunika daging atur titiangé, saha kadulurin antuk pangacep dumadak buku puniki wénten pikenohipun.
Om Santi, Santi, Santi, Om
Singaraja, 27 Pebruari 1978
Titiang,
I Gusti Ngurah Bagus & I Ketut Ginarsa
v
