Kesusastran Bali Purwa
dini makeengan!" Jero Dukuh ngelah oko luh bajang adiri.
Kacerita suba makelo I Raréangon ditu, lantas pagelananga tekén okanné.
Sedek dina anu, morahan koné I Raréangon tekén Jero Dukuh, "Jero Dukuh tiang matur ring jeroné; awinan tiang rauh mriki ngutang-utang déwék, tiangn kapangandikaang oleh Ida Anaké Agung ngerereh anak luh sané madan I Lubangkuri. Kedeh pesan pakayunan idané, yan tiang tuara nyidaang, tiang pacang kapademang".
Masaur Jero Dukuh "da cenig kéweh, bapa matujuhin cening tongos I Lubangkuriné, ditu di puncak gunungé kaja kangin. Ditu suba tongsoné cening, nanging sengka pesan pajalan kema, krana I Lubangkuri kagebag baan soroh buroné ané galak-galak. Mapangka-pangka tongos gebaganné, tau beténné macan magerengan, baduuran soroh lelipi gédé-gédé, ané paling duur rangsasa dadua luh muani. Ento pangalang-alang anaké kema. Yadiapin kéto, né bapa maang cening manik sasirep, apang prasida cening nganteg ka puncak. Padé di mlipetané kagét cening lantas katangehang, uber cening tekén rangsasané, né buin bapa maang cening manik pangalang-alang, manik tiing, manik blabar, manik api, anggon ngentungin i rangsasa. Nah kema cening mejalan, da cening sumangsaya!"
I Raréangon ngaba manik liu pesan. Suba meked di bongkol gunungé, népukin lantas ia macan magerengan, entungina lantas manik sasirep. Pules lantas macané makejang. Buin majalan ia ngamenékang, tepukin koné ia lelipi gedé-gedé, entungina lantas manik sirep. Pules lelipiné makejang. Tau di duurné népukin koné I Raréangon rangsasa dadua luh muani, entungina manik sasirep, pules lantas rangsasané makadadua. Suba pada pules gebagané makejang, prasida I Raréangon macunduk sareng I Lubangkuri. Ngon I Raréangon tekén warnan I Lubangkuri, sajaan patuh bukan goban gegambaranné di pangangonan. Ditu I Raréangoin
47
