SAMBRAMA WACANA
Krama Baliné sampun kaloktah rauh ka dura negara madrébé warisan kasusastran sané marupa kasusastran gantian (lisan) sakadi wewangsalan lan satua-satua, utawi kasusastran sesuratan (tulisan) sakadi kidung, geguritan, kekawin, parwa, miwah sané lian-lianan. Kasusastran Bali puniki karanjingang ring soroh Kasusastran Bali Purwa. Sadaweg warsa 1900-an taler embas tur ngalimbak soroh kasusastran Bali sakadi cerpen, puisi, novel, drama, mabasa Bali. Kasusastran Bali puniki karanjingan ring soroh Kasusastran Bali Anyar.
Kasusastran Bali sané kaunggahang ring buku puniki wantah parindikan kasusastran Bali purwa. Unteng dagingnyané wantah pupulan inggih punika pupulan soroh wewangsalan miwah pupulan satua-satu Bali sané kautsahayang olih I Gusti Ngurah Bagus sareng I Ketut Ginarsadawegwarsa1978sumangdenenentenical.Buku sané mamurda Kembang Rampe Kasusastran Bali Purwa pangardin dané sareng kalih (almarhum) kari marupa buku stensilan. Mungguing daging wewangsalan miwah satua-sutua Baliné sane dahat mapikenoh ring sajeroning kauripan, pinaka sarana ngawangun pamineh, paridabdab, lan parisolah para alit-alité, duaning punika buku Kembang Rampe Kasusastran Bali Purwa puniki kacetak. Tetujonnyané nénten tios wantah pikayun ngarganin kahanan Kasusastran Bali Purwane taler mangdane para pamaos, ping arep para siswa miwah para mahasiswa uning ring parindikan kasusastran Baliné.
iii
