Kesusastran Bali Purwa
gediang tabuané nira takut!" Gedianga lantas tabuané tekén I Bintang Lara. Di subané ilang tabuané, buin I Bintang Lara kandikaang ngalih lelipi, apang ngajak panak tetelu, tur gedéna apang lamun ketungané, tur apang tagakina tekén I Bintang Lara. Dening kéto sedih koné buin I Bintang Lara,
tur katakonin baan Ni Supraba, "kénkén dadi ngeling dogén, adi?
Masaut I Bintang Lara, "titiang kapangandikaang ngalih lelipi, lamun ketunganné gedénné tur apang ngajak panak tetelu."
"Nah yén kéto, da adi ngeling, ento ketunganné tegakin isinin luu tetelu!” Kéto pangandikan dedari Supraba. Lantas tagakina koné ketunganné, tur pastuna tekén Ni Supraba, "nah iba ketungan, moga iba dadi lelipi!" Lantas ketungané dadi lelipi.
Tan cerita suba neked di puri, katurang lantas tekén ida Anaké Agung, "inggih Ratu Déwa Agung, puniki lelipi," Mara kacingakin tekén Ida Anaké Agung, ditu lantas Anaké Agung gelur-gelur ban ajerih. Ditu lantas kandikaang ngediang buin lelipiné.
Tan cerita, gedianga lantas lelipiné tekén I Bintang Lara. Sasubané kéto, lantas I Bintang Lara mulih.
Ceritaang ida Anaké Agung bendu pesan pakayunanné, déning tan nyidaang ngamatiang I Bintang Lara. Raris ida nauhin baudanda idané, tanda mantra miwah perbekel lakar ngebug I Bintang Lara. Sasampuné sami rauh tur pada sregep ngaba senjata lantas mamargi. Kacerita I Bintang Lara naen suba tekén déwék lakar siatina tekén Anaké Agung. Ditu lantas ia kéweh pesan.
Mara kéto lantas ngandika Ni Supraba, "béh I Bintang Lara, da kéweh-kéweh lamun nira nu dini, kema jani alihang bontang jagung luinang, tur lantas celek-celekang di duur pamesuané, embatin lantas sabuk ilehang ditu di duur jlenanné tekedang kaampiké. Yan suba suud pedemang
165
