Kembang Rampé
nira di suargan tusing katrima tekén ajin nirané, krana susun nirané suba madan cendala. Cendekné, né jani nira nutug iba, salampah paran ibané," kéto pangandikan dedariné. Ni dedari lantas kajak olih I Bintang Lara, "Inggih yan sapunika ngiring mangkin ka umah i rangsasa!"
"Jalan," kéto atur dedari tur lantas majalan.
Gelising satua, néked suba di umah i rangsasa, irangsasa sedek pules, lantas tingalina tekén Ni Cili, tur matakon, "yéh i adi suba teka? Men maan adi ngalih gagak petak?"
"Polih, tur ida dedari Supraba sareng mriki, niki napi." Mara kéto, lantas I Bintang Lara tekén Ni Supraba kacelepang di batuné masepak olih Ni Cili. Buin kejepné, bangun lantas i rangsasa, tur ngaukin cucunné, "cucu, cucu!"
"Titiang kaki?"
"Alihang kaki nasi!" Ni Cili laut ngalihang lantas nasi.
Gelising cerita. Suba suud i rangsasa madaar, lantas matakon Ni Cili, "kaki kaki apa sih ané di botole kaki?"
Masaut i rangsasa, "manik ento cucu, ané mwadah botol barak, manik geni; ané mwadah botol putih, manik ampuh, ada buin manik glagah, manik toya, lan manik endut. Kénkén adi cucu nakonang?"
"Ten kaki, mangda titiang uning."
"Manik ampuhe ento mresidaang ngamatiang kaki," kéto munyiné i rangsasa. Suba kéto, lantas i rangsasa pules. Ditu lantas Ni Cili ngalih I Bintang Lara tekén dedariné, "Enggang batu masepak!" Enggang lantas batu masepak,
pesu lantas sang kalih.
Lantas ngomong kakinné, "cucu, cucu, manusa ambuné?"
Masaut cucunné, "dong kaki, dija ja ada manusa bani mai, bes kaki demen ngomong". Mara kéto munyin cucunné, buin i rangsasa pules, buin koné pesuanga sang kalih tur takonina I Bintang Lara, "adi adi Bintang Lara, suba kebah gagak petaké?" Mara balihina gagak petake, suba koné
