Kaca puniki kavalidasi
PAOS II
WEWANGSALAN
1. Ada ubi ada kladi,
Ada budi ada tampi.
2. Ada kladi ngaput kacang,
da adi ngapus icang.
3. Baju gadang potongan gantut,
tuyuh magadang tusing maan entut,.
4. Suba bawang buin tambusin,
suba tawang buin tandruhin.
5. Ada bawang ada sundih,
ada maang payu ngudih.
6. Talin belek jumahan pondok,
suba jelek mara kapok.
7. Blimbing mwadah kisa,
bli ngibing tuara bisa.
8. Delem Sangut Mredah Tualen,
medem bangun ngamah dogen.
9. Sengauk agrobag,
ngemauk buin bobab.
10. Goak maling kuud,
satua bawak suba suud.
7
