Kesusastran Bali Purwa
jani baan makeneh, i déwék dot pesan ngelah kurenan, ada anak luh ané cumpuin lakar anggon kurenan, mara raosin tusing nyak, baan i déwék ngelah pianak koné. Lamun kéto, senun I Lengaré idup, dong tusing ia lakar ngennyakin i déwék. Ah kéné ja baan. Bakal matiang tendasné I Lengar, dong nyakina ya i déwék tekén Ni Balu Kawanan," kéto koné kenehné bapan I Lengaré, lantas ajakina pianakné kabian ngalap nyuh.
"Lengar, Lengar, jalan kabian ngalap nyuh lan!"
"Jalan," kéto pesaut pianakné, lantas ia majalan ajaka bapané. Suba jené neked di abianné, menék lantas bapan I Lengaré ngalap nyuh. Pianakné koné konkona nudukin tundena nongos do bogkol nyuhé. Mara ia nganggét nyuh mula kajané, tundena koné panakné nongos ba dajanné. "Lengar paek dajané nongos!" Ngelodang koné lantas lakuna koné ulungan nyuhé.
"Lengar paek dangin laku nongos!" Kéto abet bapanné, paek danginné I Lengar ngongos, ngawangan koné ulungan nyuhé. Nganti telah buah yuhé baana ngulungang masih sing kena-kena. Tuun koné lantas Pan Lengaré, buin punyan nyuh lénan lantas penéka. Kéto dogén koné, beneng-beneinga dogén pianakné ngulungin nyuh, masih tusing kena-kena, kudang puun kadén suba menék, kanti kenyel gati suba bayunné. Sawiréh kenyel suba bapan I Lengar ngulungan nyuh masih tuing nyidaang ngamatiang panakné, latas ia mulih negen nyuh ajaka dadua.
Kacerita buin maniné ujan lantas gedé gati, kéné koné kenehné bapan I Lengaré, :Nah jani te ujan, nyana dogén belabar ja di tukade, bakal ajak mamancing I Lengar, nyanan tuludang tendasné pang anyud dong mati ye polonné," kéto kénéh Pan Lengaré.
Suba koné nget ujan, ajakina oné lantas pAnaké mamancing, "Lengar, Lengar, jalan mamacing lan, Ngar! Blabar jenenga di tukadé, kaget apa maan be julit, nyanan
