Kembang Rampe
tekén lacuré.
22. Tosning Dadap Tosning Presi
Wénten katuturan satua Jero Dukuh ring Kadampal masemeton sareng kalih. Jero Dukuh madua oka akutus, arinné masih taler akutus madué oka. Déning kabina-bina mangkin embasé sané kelihan dados kaparabin I Tosning Dadap, sané alitan I Tosning Presi. Kasuén-suén kelih punika makasami, ianak kaurukang masesolahan. Pikayun Jero Dukuh lingtangang ring betara sané malinggih ring gunung Agung pakayunanné.
Kaceritanan mangkin pangarsan ida Betara Mahadéwa ring gunung Agung, ngarsaang okané punika sané mawasta I Tosning Dadap Tosning Presi. Nanging, arsan Batara Mahadéwa tan kaicén Jero Dukuh. Sampun kaping kalih ngarsaang nénten taler katurin. Raris ring ping tigané ida Betara ngandika, wénten atur Jero Dukuh Kadampal, mabales nglungsur ilén-ilén druené ring Gunung Agung, punika mangkin nunas kumalegi. Daging aturé, “yén wantah Betara ngarsaang panak titiang puniki, makanémbelas anggé ilén-ilén paduka Betara, titiang mapamit titiang nglungsur kumalegi punika. Yén tan paduka Betara ngicén titiang punika, titiang nénten ngaturang ilén-ilén titiangé!”
Betara raris muus, “tuah kéto, jalan anggon toh, né ada raos pingit, yén tuah bakat ban I Dukuh nébag, juang énto kumaleginé. Kalih asahin gunung palinggihan manirané. Yén tusing baklat ban I Dukuh nébag, panak Dukuhé makanémbelas nira nyuang. Ento Tosning Dadap Tosning Presi, kalih gunung Dukuhé punggelin nira malih apangked.
Samaur raris I Dukuh, “inggih yén asapunika, mangda sami ngamedalang, titiang wénten taler baos diatmika asiki. Yén keni antuk Betara ngwastanin sami pianak titiang, aturang titiang pianak titiang sami, yan ten Betara kaon ambil
134
