Kembang Rampé
mimbuh kéné lacuré, sing pragat baan. Widiné ngundukang lacur awake?” Kéto sesambatanné Ni Ubuh tur lemah peteng maselselan.
Nah kacerita jani di pedeman kadalon pulesna, ngipi ia katurunan ban Betara Surya, laut ngandika kéné, “nyai Ubuh suud nyai sebet maselselan baan nyainé beling! Ira suéca tekén nyai ngamaang nyai pianak. Nah melaang dogén ngaba, lekadné durian, da nyai nganceréweang, manian lamun ia suba bisa nakonang bapa, patujuhin ngalih ira di tanggun langité barak kangin!” Mara amonto rasa di pangipian, lantas ia ngendusin.
Kasuén-suén tutug bulanan belingné, lekad pianakné magoba jlema tuah asibak, malima batis, mamata, makuping pada maanéh. Rahayu dilekadé tan patulung, kéwala maksiab kenehné Ni Ubuh baan ngelah pianak tuah asibak. Inget tekén pangandikan Betara Suryané di pangipian, “melahang ngubuhin pianakné!” To krana panakné kaadanin I Sigir, artiné a Sibak. Api kéto ia asibak, di subanné kelih ia bias masih mamunyi, bisa nyemak, bisa majalan, ngéngkén ko ia nyidayang, kéwala ngendahin. Majalan ia kecog-kecog cara ketugtug. Makejang anaké kapiolasan tekén anaké cerik, I Sigir. Asing nepukin asing ningeh tekén undukné kéto, teka pada ngemaang ia padana, ada maang dedaran, ada maang pipis, magenép-genépan, satmaka sugih Mén Sigir ulian panekan pianakné kadanan. Né jani suba reko ia kelih, ngresep munyi, nawang matujuhan kangin-kauh, kaja-kelod, ngomong I Sigir tekén méménné, “Mémé, Mémé engkén Bapan icang nguda icang sing nawang? Sing cang ngelah Bapa, Me?”
Masaut méménné, “apa kemad mémé ngorahang.” I Sigir nakonang “sangksal icang ada nyén ngadakan dadi lekad kéné icang, tusing cara anak lénan, genép ukudan? Mabatis tah anéh, malima tah abesik, mamata masi abesik, mabungut atebih, apa men kéné? Eh Mé, encénan Bapan
126
