Kesusastran Bali Purwa
pramiswarin idané dogén, sawiréh panjak idané tusing pesan kaicén ngiringang. Pamargin idané sareng kalih, menék jurang tuun pangkung di tengah alasé wayah. Yén kudang dina kapo ida mamargi, raris ida manggihin punyan baingin gede, ditu ida mararéan, déning ditu pakayunan idané miasa. Ditu lantas ida manglarang tapo brata mamati raga sareng pramiswarin idané.
Kacerita jani di suargan, Ida Sang Hyang Siwa méweh ida makayunin, déning suargané tan mari kebus tur tlapakan tangan idané tan mari medal toya, lantas kanikain parekan idané sang Goak petak, natasin ka marcapada. Hyang Siwa madué kayunan, sinah ada anak nangun yasa. I Goak lantas majalan, ngungsi ka Marcapada. Suba ia neked di alasé lantas ngindang mailehan, kanti kenyel ia ngindang, masih tusing nepukin apan-apan. Ditu lantas cingakina ada punyan bingin gedé buin tegeh, lantas sang Goak petak ngungsi punyan binginé ento, praya lakar mrérén, Mara ia menceg, tengkejut lantas sang Goak, wiréh karasa kayuné kebus.
“Yéh apa ya krana kebus murub, indayang ja lakar tatasin beténné apa ya ada?”, kéto keneh I Goaké. Lantas ia makeber nganuunang, ajinanga sang Prabu muah pramiswarin idané miasa mamati raga. “Bah né né ngawanang suargané kebus, ida sang Prabu saha sih né. O, né rabin idané pada sareng”, kéto keneh I Goaké sambilanga nglilingin ragan ida sang Prabu makakalih. Suud kéto lantas makeber sang Goak petak mlipetan ka suargan, ngaturang unduké ento tekén ida Batara Siwa. Ditu lda Betara ngandikain sang Kalimandu, kandikaang ngoda yasan sang Prabuné. Mara teked sang Kalimandu di pekertin idané, lantas ceburanga ibané uli punyan binginé, ulung di pangkonan ida Anaké Agung. Nanging ida masih langgeng pesan tekén yasa. Tusing ja makejehan nyan agigis. Lantas aliha ida Anaké Agung Istri, plisahina ragan idané ban sang Kalimandu, nanging masih tuara melutang apa. Déning suba kanti kenyel sang Kalimandu ngoda ida
93
