Nyoman Sayang : "Alembar. Kacopet.
Gede Gabor: "Nguda nebelang dogen lacure. Pipis hadiah totonan kadalih korupsi. Kaliwat pesan saja I Nanang. Bantas acepok pindo perlu baang ajahan." (Macelep mulihan. Buin kesep-ne pesu mabaju kaos kamenne maplilit.) Beli pesu malu ngalih Nanang.
Nyoman Sayang : "Dija lakar alih Beli?"
Gede Gabor : "Biasanne yan kali janine di bale banjare."
Nyoman Sayang : "Sing ajinang da pesan di rurunge Beli ngalakin anak tua!"
Gede Gabor : "Perlu beline ngalih lakar ajak mulih suba. Itunian kenken dogen sih welne."
Nyoman Sayang : "Kene ento sing lebih sing kuang. Yan makejang pegawe pamerintahe, tingkahne cara kepala kantor kurenan nyaine, korupsi kertas, karbon, waktu magae, gangsar bangkrut negarane.'
Gede Gabor : "Ooo .. ane orahanga korupsi sing kepala kantore, sing ja beli."
Nyoman Sayang : "Ento mara omong I Nanange panyumu. Mara keto welne kasautin. Yan keto i beli dija ya bareng korupsi adanne. Masaut lantas I Nanang bangras, dija keto...uhh... bareng...gati..sawireh" (Gede Gabor tusing nyidaang naanang gedeg basang, gegeson ngamesuang) (Di subanne Gede Gabor makalah, bengong Nyoman Sayang, sambilanga makeneh-keneh tur ngomong.) "Dumadak apang tusing tepukina I Nanang." (Macelep mulihan. Mara sajaan makalah, teka lantas Nang Gabor, ngaba kaputan.)!
Nang Gabor : "Nyoman? (Nyemak caratan tur nyeret,nanging caratane puyung.)
Nyoman Sayang : (Makaukan) "Nang?"156
