Kaca puniki kavalidasi
2.9 SUMANASANTAKA PARIKAN
Puh Durma
- Pasangtabe antara lor mandwistaang, marik lontar kakawin, Sumanasantaka, palir gaenang tembang, durmaeNe mengentinin, mangdene lasia, ngajahin alit-alit.
- Sane demen girang mauruk mamaca, kalih iren magending, teleb nginger satua, apanga lancar ngrembang, inggih ampuraang ugi, kecape tengal, saemper antawali.
- Daging satua ngurud nyogok pegat-pegat, asing sudi nyingakin, mamaos mamaca, ica ugi ngalila, i cekap lancang mangurit, tan manut pasang sastra wianjana arti.
- Mimitan satuane parik wenten tapa, taruna ngambii linggih, diksita mayoga, pageh nambut sasidan, tapakan Sanghyang Agesti, kasub kaucap, jejer ogamel semadi.
- Begawan Trenawindu parab sang tapa, kaangen buah bibih, daging tanggun kruna, karaosang di suargan, ban watek dewata sami, pateh sangsaya, kabawes pacang nglindih.
- Manguciwen ngapesang Betara Indra, lewih Hiang Saci pati, pinih banget selang, puput res nguncir pisan, di kayun cendek ajerih, nging kasaruang, antuk sang wruhing niti.
- Sapunika gegelaran jalareka, kakubda pisan ilid, mungguing katakutan, buka tuara da matra, panyowatah anak uning, pacang kacirian, tingkah sang lewih kirti.
- Wenten dedari pestad ring Suralaya, cestakara tur ririh, pradnyan penter pisan, tong kolug makaruna, yen parabe Dish Arini, wit treh utama, puyran Dewata Istri.
- Wantah nika sikep Ida Sanghyang Indra, tajepan teken mingid, antuk kajegegan, pangid seleh srenggara, suteja tong ada nanding, tui Kamastra, distrik sarjawa bangkit.
223
