Kaca puniki kavalidasi
Puh Demung
- Duh ampura antuk tembe mangiketang, tembangin baan Demung, mangindita ditu, si Sukra Paing ngumbregin nggelangin Purnama, sasih Kalimane ditu, tenggeknyane papat, pepitu rahe ngalih, ngalaud ka Isaka, siu domas petangdasa pitu.
- Pitui ada tongos lingge ngunggaang, apang masi jua rengkuh, ngawenang ulangun, ngungguang di Suranadi di beten rijasa, sampingnyane bet nagriung, yan mangde parnaang, yeh nyane pakaritis, rintise mapanta-Panta, pantes tongos anak ulangun.
- Ngawewehin kalangane maaturan, rantaban pada ditu, di tongose dayuh, dayuhe tuara nandingin, ngindit winaturan, turah ada tuah ulangun, ngulangunin manah, manadi mangrembatin, tanda anggon paingetan, tulus tami kancang satuuk.
- Tuukin san idepe makalangenan, nanging ke mula tuduh, tidong dadi uduh, duhkitane manganutin, tong nuga makejang, jangkepang dadi papitu, pitui manunggilang, lantarane ipune injit, ditu tongos manetesang, sangkan alih genjalin malu.
- Laut ada manyaungin mangebrasang, sangkan caneg masaut, saru baan muug, alah buka mawangsitin, tanda ngawatuang, tui wantah manggih ayu, ayune ruruang, anggon panyampurna sai, saha tirta mangeningang, ngamademang sarwa ne letuh.
- Tandanipune abesik manyiriang, yan wenten paling utun, tuah suba katepuk, tempakipune mamergi, manggeh kadi sipat, patemusnnyane to ditu, tunggaleng makejang, jangkep tetep makawengi, wengine suba nerengang, ngalih ambah enggal katepuk.
- Patenun idepe ngilis manunggalang, laut ada to ditu, tuduhe manguduh, duaning jarang mula sidi, sidine langahan, awanane suba lubuk, baan mangubekang, kakateg
153
