kelegin, Gusti Gede Tambak Gangsul, ambolto mangandika, kudiang to mangeleg sendi, dadi matur, soroh selame makejang.
97. Becik adokang masiat, titiang manglawan Pan Bungkling, apang pisan titiang kawon, madadagan sating sabit, Pan Bungkling manyawurin, nguda keto Maman Dukuh, ngorahang mangasahang, panese tekening tis, Dukuh buduh, bin awarin jajotongan.
98. Buein kedeke mabriyag, De Dukuh lawut makebris, bangun mangarepang golok, seret panyambean sampi, pada anake nangkil, serab abriyakan bangun, pada ngembus kadutan, nangarin linggih I Gusti, dadi bangun, Pan Bungkling ngembus kadutan.
99. Muwug makolong, suba maukur ban keris, soroh selame pada ngokok, teko mangungsi Pan Bungkling, pada nene manangkil, nahenang tuara ada kengguh, makadi para putra, punggawa lian para gusti, pada layu, ngarepin di soroh selam.
14a.
100. Pan Bungkling masangang daya, mangarepin Tandurahim, mamunyi sambil mangokok, ne iba selam Durahim, mati iba baan kai, da nden iba pati laju, ne keris pangempokan, raja Mekah nene nguni, mula kasub, gelah Raden Umarmaya.
101. Kocap ia kasandayang, karanan nyane teka mai, kai manegarang pindo, sing kena tuara mindoin, madan I Baru Alis, apang tangar iba Dukuh, ne mula dewan selam , gambet doang iba mati, dadi gelu, De Dukuh bawu ningehang.
102. Pan bungkling raris nesekang, sambil manguyengang keris, De Dukuh mawetu angob, ningeh munyinne Pan Bungkling, gidate peluh pidit, ne jadi lawut ngadubug, malaib ngajabayang, soroh selam pada lilih, Gusti Agung, raris ida ngandika.
103. Tut buri jani enggalang, di jalan-jalan kembarin, sangkalanga pada angob, sarni pada ngetut buri, kulkul sampun mamunyi, paendehan pada rawuh, nutug isoroh selam, suba pada kakem-
