kelih pada mabalih, Raden Ambaramadia, kayune andulu, raris masalinan wastra, cepuk sari, makampuh candana kawi, asin masabuk sutra.
15. Manyungklit keris urangkane pasti, mapirada kerise matatah. danganane pelet asri, masekar pucuk susun, raris mijil mangelab tangkis, mangojog ka bancingah, sing papag mandulu, luh muani kagaokan, ia mangenot sarauhe sada ngepil, malinggih dane di ungkit.
16. Raden Megantaka maningalin, semu kewangan raris mangandika, ih cai gede mai, dini cai malungguh, Raden Mantri karep gelis, sada ngeedang raga, di ayun malungguh, Raden Megantaka nabda, tuhu beli, tan wruh beli teken cai, te sapasira.
17. Pungkusane lan desane nguni, kapajarang Rahaden mangucap, awelas asih ature, titiang kaula dusun, mapangkusan Ambarapati, tan uning ring nagara, dening titiang ratu, maninggal wus lami pisan kari lare, titiang maninggal nagari, dahat manggih sangsara.
18. Raden Megantaka manyaurin yan sih cai suka dini jua, mulih kaumah beline yadian sih anak eluh, beli suka nguwehin cai, ibi puane dijaha, cai madadunung, inggih ring ibalu kawan wus abulan, titiang meganah iriki, nah ditu suba melah.
19. Anging cai ngenah sai-sai, ka bancingah daare selid sanja, ull di puri rauhe, Raden Mantri masaur, titiang lintang rauh sairing, sakenak pakayunan, ndan malih kawuwus, anake mabalih makejang, luih ta isining puri, lengleng rasa tan paatma.
20. Ada matakon ih wong punapi, ta punika baguse kalintang, luir sang hyang Smara warnane, ada raris masaut, anake ento reko ne nguni, dawege bau teka, nyen sih demen andulu, gobane tulen kakua, luh muani, kasuen nongos iriki, dadi baguse katintang.
21. Papelengkungan adihi, tuara ngelingwang mung reke raha-
89
