tangkahe kumis, matulale. jambulane magenal.
53. Sok I Ketut Sabaya, iwang tuara nandingin, betekel buin bongkok, burik capuh boke liglig, jahang masawang gading, bibih pane isit biru, liate sada duda, memeledru mata kambing, gigi gingsul, batis tubug kacicingan.
54. Pradene ada nggudigang, kelamakan bane sugih, mapayas manganggo anggo kakandelan silih asih, saput banyumas endih, madanganan mas maselut, buka engsut di pagehan, majarakang bane sugih, ada nggugu, masih payu mapumahan.
55. Suba tutug mapumahan, angkuhang aluh muani, baagiannyane kento, sangkalnya tong ada imbih, manemu suka sugih, mas mirah selaka liu, len to ne amah anggo, De Brayut luh muani, nagnggo tutur, suba memalikin lampah.
56. Suba suud ngupadesa, manyuang ka Desa kangin, kocap ring Pangeran Jembong, ka Gria Banjar Memedi, tuah to Bodane sidi, pranakannyane liu, tur malimpad-limpadan, nanging tong ada nandingin, tuah ia ewer, jam-jam endog paitungan.
57. Pangwruhe anggon jujugar, masipta kidung kekawin, nyaka ia nyaka tidong, kelamakan katon ririh, sing sisian anak alih, ajak mapetuk pangwruh, embahin munyi lempong, apanga enyak masalin, meseh guru, anggon pasemeton di darma.
58. De Brayut duke ngayap, manunas bekele mati, mapangguru yaga bokor, dadar sateke di jani len anampana besik, kocap aji telung atus, ica pangeran jembong, panugrahan sangupati, suba puput, mengliwatin titi gonggang.
59. Anging katuduh ngayang-ngayang, bratane tong dadi gipih, samahitane anggo, buat Buda paksane luih, suba luas mapa- mit, anakti di sema agung, sig kepuhe magook , kocap ya umah memedi, pabiayuh, goake masliweran.
60. Ngauk-ngauk pagurekgak, matinggah ada nggulanting, mba-
40
