wantah asapunika, titiang rihin". Asapunika Jro Dukuh, derika raris Jro Dukuh ngamedalang, inggih punapi sane mawasta : "Beng- kot ping kalih bunter apisan". Dados kamenetan Ida Betara Maha- dewa, sue Ida nonton modal pangandika.
Gelising crita, reh meweh Ida Betara Mahadewa, dados ng- rereh bantu watek ganjarwa, pacang ngwastanin daging raos I Du- kuh punika. Drika raris rauh Ida Bagawan Wrehaspati, nganturang katerangan daging raos punika. "Inggih titiang nguningang ring singgih Betara, punika sane mawasta bengkot apisan, ring tatkalapangelong apisan, dados ping kalih sampun bengkote, bun- ter apisan ri tatkala purnama". Dening asapunika ledang paka- yunan Ida Betara ring gunung Agung, saantukan wangde kakaonang antuk I dukuh. Aris Betara mangkin ngwastanin : "nah ke kene cimpedan I Dukuhe totonan, isin raos I Dukuhe totonan, bulan adannē ento". Tanggal bēngkot acepok, pangelong bengkot acepok, dadi pindo bangkote, buntere acepok, di Purnamane. Sampun sapu- nika, raris ngluku I Dukuh Kedampal, saantukan sampun kaon. Ing gih yan wantah asapunika, dening kaon sampun titiang, kengin mangkin Betara wantah ngamodalang. Yen tan keni antuk titiang ngwastanin, kaon titiang, drika jagi titiang ngaturang dēwēk ring singgih Betara, semalih panak titinge taler munggelin, sakemaon wenten pasubaya titiang, yen kadurusan titiang kaon, puniki pianak titinge sane mawasta I Tosning Presi, taler mang- da Betara mecik-mecikang, dening pateh antuk titiang nresnain. Dados ngandika Ida Betara : "Nah yening iba Dukuh kalah, de- ning ada sesaudan kai bakal nganggon prancangan pianak I Du- kuhe, lakar anggon ira ilen-ilen ri tatkala pakodasa pangodal- an".
Gelisang cerita, raris ngamedalang Ida cecimpedan. Nah apa madan I Dakah mabuah I Dikih, I Dikih mabuah Dakah. Da- dos nenten keni antuka ban Jro Dukuh. Inggih yen asapunika be-
