Kacrita buin maninne, mamargi kone Ida Raden Mantri kairing ban panjakidae. Ada negen jempana, ada ngaba pajeng agung tur atehang gong. Sasubanne ida rauh di pondok Ida Raden Galuhe, ngon pesan kone ida nyingakin Ida Raden Galuh, buina sing kone kelingan antuk ida bakal rabine, dening Ida Raden Galuh suba magentas adeg. Ida Raden Mantri sing kone ida purun mataken ring Ida Raden Galuh, nakonang pacang rabine. Dadi rerehin ida kone Ida Raden Galuh Gede mailehan pesan, nanging masih tusing kone panggihin ida,Ida Raden Galuh subaja kone katundun icanidane. Nangingke menenganga dogen kone raganne. Dening suba kanti lesu Ida Raden Mantri ngrerehin Ida Raden Galuh, dadi kaselek kone kayunidane ditu lantas ida mataken ring Ida Raden Galuh,
"Jero anak istri, nawegang tiang matur pataken ring Jerone, Jerone saking i tuni sampun deriki? Jerone manggihin anak luh gede nika deriki? Mangkin dija lakuna?" Masaur Ida Raden Galuh,
"Tiang saking i tuni sampun deriki, nanging ke tiang tan manggihin sira-sira. Napi sih buatang Jerone meriki dados Jerone makta jempana ageng pesan maturutan gong? Inggih tiang nenten uning, ring Jerone sapasira. lndayang nikaang ring tiang mangda tiang uning, mangda becik antuk tiang matur".
"lnggih yan Jerone tan uning ring tiang, tiang sampun I Mantri Koripan. Kabuatan tiange meriki, pacang ngrereh kagelan tiange pacang ajak tiang ka puri. Sangkan tiang makta jempana ageng, dening gegelan tiange punika ageng pisan tan nganutin
jejeleg manusa".
"Inggih tiang naler nawegang ring Jerone, Jerone sapasira?" Mara keto pangandikan Ida Raden Mantri, nyumbah lantas Ida Raden Gal uh tur ida matur,
"Inggih Beli Bagus, yan Beli tan uning ring tiang, tiang sampun gegelan beline ane gede pidan, tiang I Galuh Daha misan beline". Keto aturne Ida Raden Galuh sambilang ida ngelut cokor Ida Raden Mantri. Tur katuturang masih indik idane uli pangawit kayang jani. Mara keto aturne Ida Raden Galuh, ledang kayun Ida Raden Mantri, tur ida ngandikaang parekane matulak ka puri nyemak jetnpana mas. Tur kandikaang masih parekane ngaturang ring Ida Sang Prabu buatne ida lakar mabuncing dinane jani sareng Ida Raden Galuh Daha. I parekan ngenggalang malaib ngapuriang.
71
