ngang anake ia I Liku."
"Beh, yen titiang nyongsongang I Liku, aget pesan I Liku. Kadong koya masin titiang padem, titiang tan weriten ngiring kayun Palungguh Cokor I Dewa pacang nyongsong I Liku. Yan biang I Dewane ja, kadong nyuun titiang ngiring." Keto aturne I Patih. Ngandika buin Ida Raden Mantri Anom,
"Beh adadi aeng ja belog Kaki Patihe, sing ento anake temboke bah . Dadi Temboke jene sayangang, buin pidan anak dadi benahin buin ." Dening keto pangandikanne Ida Raden Mantri Anom, dadi ngenggalang lantas panjake nyemak perabot, ada nyemak linggis ada tambah anggona mongpong temboke. Bek kone prarain Ida Raden Mantrine kena buk. Sasubanne rauh di purian, nglantas kone Ida Raden Mantri ngranjing ka gedongan sareng I Galuh Liku. Jani sing kone Ida Raden Mantri medal-medal, begbeg di gedongan dogen ida ngrumrum I Galuh Liku. Kanti sliba daki cuil kone Ida Raden Mantri, dening ida tusing masiram-siram. Sasubanne pitung dina ida tusing medal-medal, makayun-kayun kone Ida Raden Mantri Anom,
"Ne ngenken dogen sih karyan ajine di gedongan, dadi tusing taen medal-medal. Lakar intip uli jendelane apang tawang. " Suba keto, menek lantas ida di gendelan gedonge, uli ditu ida ngintip ajine. Dadi cingakina kone Ida liaden Mantri Anom teken I Galuh Liku. Lantas I Liku matur teken I Raden Mantri,
"Belig Mantrig, belig Mantrig, nyeg entog madengokag, aeg jag bagug anakeg entog? hudug tiag tekeg anakig entog. Mesib I Belig Mantrig. Kemag alihag tiag anakeg entog, Belig Mantrig!" Ngandika raris Ida Raden Mantri,
"Ah da Adi mas manik keto, ento anak tiang ngelah panake. Tusing dadi I Dewa muduhang panak tiange ento, dening ia nu cenik." Nag lamug Belig Mantrig ngelag okanig entog, tiag buug nemenig." Keto aturne I Galuh Liku.
Sedek dina anu matur kone I Galuh Liku teken I Raden Mantri, kene kone aturne,
"Belig Mantrig, Belig Mantrig, kemog ngdikaag panyeroag Belig Mantrige ngaliag tiag panag bikug lakag anggog tiag lawar tekeg panag cicig aneg nug cenig-cenig bakag anggog tiag papindangag. Dog pesag tiag tekeg pidangang kulug." Medal kone lantas Ida Raden Mantri ngandikain panyeroane,
49
