2.3 Raden Mantii Koripan Kalimburan
2.3.1 Teks
Raden Mantri Kalimburan
Kacrita Ida Sang Prabu Koripan madrue oka lanang adiri. Sasubanne Ida Raden Mantri duur tur suba nyandang ida marabian raris ida katari antuk ajine, kene pangandikanidane, "Cening Nanak Bagus, nejani Cening suba madan duur, nyandang tuah Cening ngalap rabi. Nah ne ada misan Ceninge di Daha masih suba ia kelih. Cening nyak keto marabian ngajak ia? Yen Cening nyak apang melah ban aji ngaturin I Beli, ajin Ceninge di Daha, buatne lakar idih aji okane, lakar pakurenang aji ajak nanak Bagus."
Matur Ida Raden Mantri, "Inggih lamun sampun Guru Aji ngandikaang, titiang tan ja purun tulak ring kayun Guru Ajine."
Dening keto atur putrane, makarya raris Ida Sang Prabu srat, praya katurin Ida Sang Prabu Daha. Daging surate tan lian buatne ida ngarsaang putran Ida Sang Prabu Daha, Ida Raden Galuh pacang kabuncingang sareng okanidane.
Sasubane pragat surate raris Ida Sang prabu ngandikaang I Punta pacang ngaturang surate ento ka LJaha. I Punta lantas majalan negakin jaran. Yan akudang dina makelone I Punta majalan, ngentasin alas wayah, menek jurang tuun pangkung muah grembengan, teked lantas I Punta di Daha. Duk ento Ida Sang Prabu Daha sedek katangkilin antuk para mantri muah baudandanidane. Beh pepek jejel kone panangkilane. Wau Ida Sang Prabu nyingak I Punta rauh, ngandika raris ida,
"Ih ento I Punta teka mai. Apa jenenga ada buatang Cai?" Matur lantas I Punta saha sembah, "Inggih nawegang titiang mamitang lugra ring Palungguh Cokor I Dewa. Rauh titiange meriki tangkil ring Palungguh Cokor I Dewa, titiang kandikaang ngaturang rerepi ring Palungguh Cokor I Dewa."
"Encen ento surate? Apa sih ada raosang dadi tumben teka buka buate, Punta?
"Inggih Ratu Dewa Agung titiang matur sisip, antuk pakayunanida arin Palungguh Cokor I Dewa tan wen ten titiang uning."Keto aturne I Punta tur lantas aturanga surate ento ring Ida Sang Prabu. Ida Sang Prabu ngambilin I Punta tur raris bawesin ida.
41
