tusan ngaturang surat ka puri nangtangin Ida Sang Prabu mayuda, dening keto dadi menggah gati kone Ida Sang Prabu, lantas ida ngandikaang I Patih nauhin kaula lakar ngrejek Ida Raden Mantri. Di subanne kumpul pada teka kaulane lantas rejeka kone Ida Raden Mantri di pasisi. Ida Raden Mantri sareng kalih lantas manahang gadunge aturan I Dukuhe, lantas makejang kone wang Dahane miwah Ida Sang Prabu mategul. Suba kone keto, lantas Ida Raden Mantri makakalih ka purian dapetang ida kone I Limbur sedek negak di ambene. Ditu lantas I Limbur tebek ida aji don lalange, tur sampel-sampel ida entungang ida di pangkunge, lantas teka kone cicing ajaka liu ngamah bangken I Limbure kanti telah.
Di subanne I Limbur mati, buin kone Ida Raden Mantri makakalih medal, ditu lantas Ida Sang Prabu ngidih urip teken Raden Mantri, lantas Ida Sang Prabu muah kaulane makejang kakelesin. Di subanne keles lantas Ida Smg Prabu ajaka menek ka praune teken Raden Mantri makakalih. Teked ditu, dapetanga Ida Sri Prameswari sedek malinggih sareng Raden Galuh, ditu lantas Ida Sang Prabu ·nyaup rabine, lantas Ida Prameswari bendu tur matbat Ida Sang Prabu. Mara keto, lantas Ida Raden· Mantri ne duuran matur ring Ida Sang Prabu,
"Inggih Ratu Sang Prabu, dados Cokor I Dewa jeg nyaup anake punika, sapasira se puniki, kaden punika anake nyuun tain siap ambul kuskusane sane tumbas titiang ring Cokor I Dewa. Mara keto atur Ida Raden Mantri, lantas Ida Sang Prabu nangis sambil ida nuturang indik idane sakadi-kadi, tur nyelsel raga, dening klonjok kayune nglinggihin atur I Limbure. Ditu lantas Ida Raden Mantri makakalih kangen ring ajine, lantas ida masi nguningayang indik idane duk mara kakutang kanti kayang jani. Mara keto, lantas saupa tangisin putrane makatetiga, sambil ida ngaksamaang ragan idane ring putrane miwah prameswari, tur prajani ajak ida ka purian. Ditu lantas Ida Sang Prabu maicaang kagunganidane ring putrane makakalih.
Kacrita jani Ida Raden Mantri ring Koripan, nuju peteng ida malinggih kone di bale kambange di taman, lantas ida mireng raos ngambara,
"Cening, Cening Mantri Koripan, jani suba teka karman Ceninge, kema jani Cening luas ngaba prau takon-takonang karman
29
