Jrudeh ngintip I Juragan Anom. Rauh Ida di alase,di wangan pondok Ida Prameswari, kacingak Ida Raden Galuh kalih Prameswari malinggih di ambene sareng I Juragan Anom. Ditu lantass Ida Raden Mantri bendu, tur ngandika makisi-kisi tekan I Punta, Jrudeh,
"Paman Punta, Jrudeh, ento apa anake luh ane ukana kejuk i pidan. Kalingke kene kenehne I Juragan Anom, ia jene demen teken anake luh ento, beneh sabilang takonin sing taen nyak ngaku, jalan matiang tendasne."
Keto kone pangandikan Ida Raden Mantri, tur lantas Ida ngembus keris, nrojog ka ambene kairing baan I Punta, Jrudeh. Mara ukuh katebek I Juragan Anom, lantas lemet tangan idane tan nyidaang mapaksa. Ditu lantas Ida Prameswari ngandika teken Ida Raden Mantri, ngandikaang kasujatin raganida kalih putrane makadadua, tur kapidartaang saparindik kasangsaran raganida sakadi-kadi. Mara keto pangandikan Ida Prameswari, lantas Ida Raden Mantri nangis ngaturang kasisipan, tur prajani ida sami kairing mantuk ka Koripan. Sarauhe di puri lantas Ida Raden Mantri Koripan nguningang ring ibu ajine, saparindik Ida Prameswari ring Daha sareng putrane makekalih. Ditu lantas Ida Sang Prabu ngandikaang I Patih, I Punta Jrudeh muah kaula lenan luas ka Daha, ngaturin Ida Sang Prabu Daha mangda lunga ka Koripan, tur nguningang rabi kalih putrane makakalih suba di Koripan, muah katurin ngamatiang Ni Limbur.
Tan critanan gelising satua, suba kone Ni Limbur mati, lantas Ida Sang Prabu Daha lunga mairingan panjak ka Koripan. Rauh ida ditu lantas kagelut rabine kalih putrane makadadua katangisin, sinambi ida nglukuang raga. Suba kone keto, lantas Ida Raden Mantri Koripan kabuncingang teken Ida Raden Galuh Daha. Suba kone suud pabuncingan lantas Ida Sang Prabu Daha, Praemswari miwah Ida Raden Mantri Daha mantuk ka Daha.
20
