‘‘Nah te ne I Dewa, apa sujatine Betara, tonyan alas, panak memedi, tegarang uningang teken Bapa!’’ Raris matur anake alit,
“Inggih Ratu Dewa Agung, nget jeg eling titiang driki sampun ring alase sareng memen titiange." Ngandika Ida Sang Prabu Anom,
“Nah to dija biang I Dewane, tegarang tujuin tiang!’’ Matur anake alit,
“Biang titiange ring craken-crakene, ring batan tikehe, sapunika Ratu Dewa Agung.’ Reh asapunika atur anake alit, dados mrika raris Dewa Agung Putra ring kubune, tur karerehin biang anake alit. Tan dados kapanggih, raris ngandika ring aneke alit,
“Keto ja I Dewa dini I Dewa apang melah-melah ajak biang I Dewa. Bin pidan tiang abaanga I Dewa plalian, kempur teken kendang”.
Kacrita mantuk Ida Dewa Agung Putra ka Koripan. Sasampune ida polih kempur miwah kendang, malih ida lunga ka alase, maktaang kempur miwah kendang anake alit punika. Sasampune kapaica kempur miwah kendang punika ring anake alit, raris kagantungang ring apit-apite, saha ngandika ring anake alit,
“Nah Dewa anak alit, tiang ngemaang I Dewa plalian kendang teken kempur. Amonto kal kalahin tiang I Dewa mulih ka Koripan." Kacrita budal sampun Dewa Agung ka Koripan.
Kacrita mangkin anake alit nangis ngentak-entak melede ring paican I Dewa Agung, saantukan tan dados antuk nyujuh miwah ngebugin. Reh asapunika mangkin biange lunga ka batan-batan tiinge, ngrereh bukun tiing jagi angge tumbu. Sasampune polih, raris Raden Galuh Mica budal, tur nika raris kekenaang kaange tumbu, turkapenekin antuk biange. Wau sedeng ngambil kendange, dados maenjitan tumbu punika, biange raris runtuh. Ring runtuhe punika raris micane engkag, tur medal raris raden Galuh. Tan critanan mangkin ring alas Dahane punika Raden Galuh sampun dados Raden Galuh klintang ayune.
Kacrita mangkin Ida Dewa Agung Putra ring Koripan jaga lunga ka alase, jagi ngaksi anake alit. Sasampune rauh ring alasenget jeg ngraris Ida Dewa Agung mantuk ring purin anake alit. Rauh tengah dados kacingak anak istri jegeg pisan. drika raris anake istri punika kalemesin, tur kayun Ida Raden Galuh. Drika raris kaambil Ida Raden Galuh. Wau kaambil, raris kantu Ida
248
