I Sampi Wadak,
“Jero istri, sampunang Jerone takut, sira Jerone dados nangis driki pragaan?”’ Wireh keto abetne I Sampi, makesiar lantas kayun idane Raden Galuh, tur ida lantas ngandika,
“Inggih Jero Sampi, tiang okan Sang Prabu Daha. Awinan tiang driki, tiang ampehang pepeteng, lantas ulung tiang driki’’.Matur I Sampi Wadak,
“Bah padalem pesan ja Cokor I Dewa, margi ja ka umah tiange, drika Cokor I Dewa mlinggih sareng ajak titiang!’’ Keto ature I Sampi Wadak. Kenehne bakal ubuhin malu I Galuh, bin pidan lamun suba mokoh mara tadah.
“Margi kumah titiange!” Keto aturne J Sampi Wadak ngwawanin, lantas kayun Ida Raden Galuh.
Kacrita suba Ida Raden Galuh mlinggih di gook I Sampine di bongkol abinge, sai-sai Raden Galuh alihanga ajeng-ajengan wohwohan. Kenak pesan Ida Raden Galuh, sing ja ida uning teken raga bakal katadah. Kacrita sedek dina anu, sedek I Sampi Wadak luas ngalih amah, kacrita Men lutung nuju miali-lali duur gook ISampine, lantas nota Raden Galuh beten di bungaas gooke, ditu lantas Me Lutung tengkejut, tur ngenggalang lantas ia tuun maranin Raden Galuh. Suba neked beten, matur lantas Me Lutung,
“Ratu Dewa Ayu, nguda Cokor I Dewa driki? Margi Cokor I Dewa makaon, nyen tadaha Cokor I Dewa antuk I Sampi Wadak, Margi kumah titiange, drika Cokor 1 Dewa mlinggih’’.
‘Ah nira sing nyak, nira anak sayanganga teken I Sampi Wadak, kelan sai-sai nira alihanga woh-wohan,. Dadi Men Lutung ngorahang nira lakar tadaha. Men Lutung nagih melog-melog nira?”’
“Beh I Dewa Ayu, dados Cokor I Dewa ngandikaang titiang jagi melog-melog. Titiang tan purun ring Cokor I Dewa. Margi gelis-gelis Cokor I Dewa makaon”’. Kedeh I Lutung ngaturin Raden Galuh makaon, kayun lantas ida, iringa teken Men Lutung kaumahne, menek di punyan baingine gede. Ditu di gook kayune baduur engkebanga Raden Galuh teken I Lutung.
Kacrita jani I Sampi Wadak teka uli ngalih amah, dapetanga Raden Galuh tusing ada. Ditu ngengap paliatne Sang Sampi, kebras-kebris bindeng ngalih-alihin Raden Galuh. Salantang jalan I Sampi Wadak ngipuh tanduk, kacrita teked lantas beten umahne Men Lutung. Nota I Lutung ba duur teken I Sampi wadak.
216
